කිසිදු අයුරකින් හෝ ත්‍රස්තවාදී ක්‍රියාවලට හිස එසවීමට ඉඩ නොතැබිය යුතු බව අගමැති කියයි

(කොළඹ, ලංකාපුවත්) – කිසිදු අයුරකින් හෝ ත්‍රස්තවාදී ක්‍රියාවලට හිස එසවීමට ඉඩ නොතැබිය යුතු බව අග්‍රාමාත්‍ය රනිල් වික්‍රමසිංහ මහතා පවසයි.

සාර්ක් කලාපීය නීතිය හා සාමය අභ්‍යන්තර කටයුතු අමාත්‍යවරුන්ගේ සමුළුවේ සමාරම්භක උත්සවයට එක්වෙමිනුයි අග්‍රාමාත්‍යවරයා මේ බව සදහන් කළේය.

කලාපීය වශයෙන් එකමුතුවී ත්‍රස්තවාදයට එරෙහිව නැගී සිටිමට අප අදිටන් කර ගත යුතු බවද අග්‍රමාත්‍යවරයා එහිදී වැඩිදුරටත් පැවසීය.

අග්‍රාමාත්‍ය රනිල් වික්‍රමසිංහ මහතා එහිදී තවදුරටත් කියා සිටියේ,

“ශ්‍රී ලංකාව ත්‍රස්තවාදය මුලුමනින්ම පරාජය කරල තිබෙනවා. එහෙත් දැන් ත්‍රස්තවාදය වෙනත් මුහුණුවරවල් වලින් හිස ඔසවන බව පේනවා. ඒ අතරට මත් ද්‍රව්‍ය ජාවාරමත් එකතුවෙලා. එම නිසා කුමන ආකාරයකින්වත් ත්‍රස්ත ක්‍රියාවලට හිස එසවීමට අපි ඉඩ නොදිය යුතයි. ඒවාට සුදුසු ක්‍රමෝපායන් තුළින් පිළියම් සෙවිය යුතුයි. කලාපීය වශයෙන් එකමුතු වී ත්‍රස්තවාදයට එරෙහිව නැගී සිටීමට අප අරමුණු කර ගත යුතුයි.”

Leave a Reply

Your email address will not be published. Required fields are marked *

12 + six =