මැණික් ශීල්පීන්ටත් විශ‍්‍රාම වැටුපක්

(කොළඹ, ලංකාපුවත්) – මැණික් කර්මාන්තයේ නියුතු පතල් කැණීම් ශිල්පීන්, මැණික් නිර්මාණ තාක්ෂණ ශිල්පීන් සහ ඔවුන්ගේ පවුල්වල සුබසාධනය උදෙසා, රත්නාභිමානී, ජීවිත සුරක්ෂාවරණය සහ විශ‍්‍රාම වැටුප් යෝජනා ක‍්‍රමය එළිදැක්වීමේ උත්සවය ජනාධිපති මෛතී‍්‍රපාල සිරිසේන මැතිතුමාගේ ප‍්‍රධානත්වයෙන් ඊයේ (31) පස්වරුවේ කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේදී පැවැත්විණි.

ජාතික මැණික් හා ස්වර්ණාභාරන අධිකාරියේ අධීක්ෂණය යටතේ වැඩසටන කි‍්‍රයාත්මක කෙරේ.

ජීවිත සුරක්ෂණාවරණය සහ විශ‍්‍රාම වැටුප් යෝජනා ක‍්‍රමය එළිදක්වමින් ප‍්‍රතිලාභීන් 10 දෙනෙකු වෙත ගිවිසුම් පත‍්‍ර ප‍්‍රදානය කිරීම ජනාධිපතිතුමා අතින් සිදු විය.

ජීවිත සුරක්ෂාවරණය හා විශ‍්‍රාම වැටුප් යෝජනා ක‍්‍රමය සැලසුම් කිරීමේ සම්පත්දායකයින් ලෙස කටයුතු කළ හය දෙනෙකු වෙත ඇගයීම් සම්මාන පිරිනැමීම ද ජනාධිපතිතුමා අතින් සිදු කෙරිණි.

අනතුරුව පැවති මැණික් හා ස්වර්ණාභරන ප‍්‍රදර්ශණය නැරඹීමට ද ජනාධිපතිතුමා එක් විය. මැණික් පරීක්ෂා කිරීමේ ජංගම රථය ද ජනාධිපතිතුමාගේ නිරීක්ෂණයට ලක් විය.

අමාත්‍ය මහින්ද අමරවීර, නියෝජ්‍ය අමාත්‍ය කරුණාරත්න පරණවිතාන, මැණික් හා ස්වර්ණාභරන අධිකාරියේ සභාපති ආචාර්ය කිත්සිරි දිසානායක යන මහත්වරුන් ඇතුළ පිරිසක් මෙම අවස්ථාවට එක්ව සිටියා.

Leave a Reply

Your email address will not be published. Required fields are marked *

sixteen + 15 =