(කොළඹ, ලංකාපුවත්) – ශ්රී ලංකා රාමඤ්ඤ මහා නිකායේ අනුනායක, අනුරාධපුර ශ්රී සාරානන්ද පරිවේණාධිපති අතිපූජ්‍ය ගිරාඹේ ආනන්ද නාහිමියන් අපවත් වී තිබේ.
රෝගී තත්ත්වයෙන් පසු වූ උන්වහන්සේ ශ්රී ජයවර්ධනපුර රෝහලේ ප‍්‍රතිකාර ලබමින් සිටියදී අද(20) අලුයම අපවත් වි ඇති බව රාමඤ්ඤ මහා නිකායේ මහලේඛකාධිකාරී පූජ්‍ය අස්සංගනේ ශාසනරතන හිමි සඳහන් කළේය.
අපවත් වනවිට උන්වහන්සේ 80 වන වියේ පසුවූහ.
අපවත් වී වදාළ ගිරාඹේ ආනන්ද නාහිමියන්ගේ ආදාහන පුජෝත්සවය සම්බන්ධයෙන් අද දිනය තුළ තීරණය කරන බව පුජ්‍ය අස්සංගනේ ශාසනරතන හිමි සඳහන් කළේය.
