ජාතික පාසැල්වල විදුහල්පතිවරුන් බඳවා ගැනීමේ ගැසට් නිවේදනය ඉක්මනින්ම

(කොළඹ, ලංකාපුවත්) – ජාතික පාසැල්වල විදුහල්පතිවරුන්ගේ හිඟයක් පසුගිය වසර දෙක තුන තුළ පැවතුන බව අධ්‍යාපන අමාත්‍ය අකිල විරාජ් කාරියවසම් මහතා අද (20) පාර්ලිමේන්තුවේ දී සඳහන් කළේය.

පාර්ලිමේන්තු මන්ත්‍රී ඩග්ලස් දේවානන්ද මහතා ඉදිරිපත් කළ ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.

අදාළ පුරප්පාඩු පිරවීම සඳහා පත් කළ සම්මුඛ පරීක්ෂණ මණ්ඩල විසින් සෑහීමකට පත් විය හැකි විදුහල්පතිවරු නොමැති බව දැනුම් දුන් බවද අධ්‍යාපන අමාත්‍ය අකිල විරාජ් කාරියවසම් මහතා මෙහිදී පෙන්වා දුන්නේය.

කෙසේ වෙතත් බඳවා ගැනීම් සඳහා අදාළ ගැසට් නිවේදනය ඉක්මනින්ම නිකුත් කරනු ඇති බව අධ්‍යාපන අමාත්‍ය අකිල විරාජ් කාරියවසම් මහතා වැඩිදුරටත් කියා සිටියේය.

Leave a Reply

Your email address will not be published. Required fields are marked *

fourteen − 13 =