රාජකීය යුවළ අලුත උපන් කුමාරයා සමඟ ජනතාව හමුවට

(කොළඹ, ලංකාපුවත්) – බ්‍රිතාන්‍යයේ විලියම් කුමරු සහ ඔහුගේ බිරිඳ කේම්බ්‍රිජ්හි කෙට් මිඩිල්ටන් ආදිපාදවරිය සිය නව පුතණුවන් සමග පළමු වරට ජනතාව හමුවට පැමිණ ඇත.

ඒ බ්‍රිතාන්‍ය කිරුළට හිමිකම් කියන 5 වැන්නා ලෙස උපත ලද සිය තෙවන දරුවා රැගෙන ලන්ඩනයේ ශාන්ත මේරි රෝහලෙන් පිටව යාමට පෙර ය.

විදෙස් මාධ්‍ය වාර්තා කර ඇත්තේ ඔවුන්ට සුබ පැතීමට රෝහල ඉදිරිපිටට බ්‍රිතාන්‍ය වැසියෝ රැසක් පැමිණ සිටි බවය.

විලියම් – කේට් යුවළ රෝහලෙන් පිටතට දරුවා සමග පැමිණියේ සිනහ මුසු මුහුණෙනි. කේට් කුමරිය රතු ඇදුමකින් සැරසී සිටි අතර එහිදී දරුවාගේ අත්පමනක් දිස් වූ බව මාධ්‍ය වාර්තා කර ඇත.

විලියම් – කේට් යුවළගේ තෙවන දරුවා ලෙස උපත ලද කුමරු බ්‍රිතාන්‍ය රජ කිරුළට හිමිකම් කියන පස් වැන්නා බවට පුංචි කුමරුගේ නම පසුව ප්‍රකාශයට පත් කරනු ඇත. බිළිඳු කුමරා සඳහා නම් කීපයක් දැනටමත් යෝජනා වී ඇති අතර ආතර්, ඇල්බට් , ෆෙඩ්රික්, ජේම්ස් සහ පිලිප් යන නම් ඒවා අතර ඉදිරියෙන්ම පවතින බව වාර්තා වේ.

විලියම් -කැතරින් රාජකීය පවුලේ පළමු දරුවා වන ජෝර්ජ් කුමරු 2013 වසරේ උපද ලද අතර චාලට් කුමරිය උපත ලැබුවේ, 2015 වසරේදීය.

Leave a Reply

Your email address will not be published. Required fields are marked *

three + 19 =