(කොළඹ, ලංකාපුවත්) –තායිලන්තයේ අග්‍රාමාත්‍ය ජනරාල් ප්‍රයුත් චන් ඔ චා මහතා දෙදින නිල සංචාරයක් අද(12) ශ්‍රි ලංකාවට පැමිණේ.
බැංකොක් හි සිට විශේෂ ගුවන් යානයකින් මෙරටට පැමිණෙන තායි අග්‍රාමත්‍යවරයා, පස්වරු 5ට කටුනායක බණ්ඩාරනායක ජාත්‍යන්තර ගුවන් තොටුපොලේ දි පිළිගැනිමෙන් පසු කොළඔ බලා පෙරහැරකින් කැඳවාගෙන යනු ඇත.
අද පස්වරු 6ට කොටුවේ ජනාධිපති කාර්යාලයේ දි තායි අග්‍රාමාත්‍ය වරයා වෙනුවෙන් නිල පිළිගැනිමේ උත්සවයක් සංවිධාන කොට ඇති අතර ඒ වෙනුවෙන් හමුදා ආචාර පෙළපාළියක් හා ආචාර වෙඩි මුර 19ක් ද පැවැත්වේ.
අනතුරුව ජනරාල් ප්‍රායුම් චාන් ඕ චා මහතා සහ ජනාධිපති මෛත්‍රිපාල සිරිසේන මැතිතුමා අතර ද්විපාර්ශවික සකච්ඡාවක් ද ජනාධිපති කාර්යාලයේ දි පැවැත්වීමට නියමිතය. ඉන් අනතුරුව තායිලන්තය සහ ශ්‍රි ලංකාව අතර අවබෝධතා ගිවිසුමතට අත්සන් තැබේ.
ජුලී 13 දා පෙරවරුවේ තායි අග්‍රාමාත්‍යවරයා අරලියගහ මන්දිරයේ දී අගමැති රනිල් වික්‍රමසිංහ මහතා සමඟ ද සාකච්ඡා කරනු ඇත. ඉන් අනතුරුව මහනුවර බලා යන තායි අග්‍රාමාත්‍යවරයා ඇතුළු නියෝජිත පිරිස ජේරාදෙණිය උද්භිද උද්‍යානය,ගන්නෝරුව කාෂිකර්ම ආයතනය නැරඹීමට ද යන අතර ඉන් පසු මල්වතු හා අස්ගිරි මහා නාහිමිවරුන් බැහැදැක ශ්‍රි දළඳා මාළිගාවට ගොස් දන්ත ධාතූන් වහන්සේලා වැඳ පුදා ගැනිමට නියමිතය.
