කාන්තාවක් නිසා අෆ්තාබ් අලාම්ට වසරක තරග තහනමක්

(කොළඹ, ලංකාපුවත්) – ඇෆ්ගනිස්තාන වේගපන්දු යවන ක්‍රීඩක අෆ්තාබ් අලාම්ට වසරක තරග තහනමක් පැනවීමට ඇෆ්ගනිස්තාන ක්‍රිකට් ආයතනයේ විනය කමිටුව පියවර ගෙන තිබේ.

ලෝක කුසලාන ක්‍රිකට් තරගාවලිය අතුරතුරදී ක්‍රීඩක විනය චර්යාධර්ම කඩ කිරීම හේතුවෙන් මෙම පියවර ගෙන ඇති බව විදෙස් මාධ්‍ය වාර්තා කර ඇත.

2019 ලෝක කුසලාන ක්‍රිකට් තරගාවලිය අතුරතුරදී තමන් නවාතැන් ගත් සවුත්හැම්ප්ටන් හෝටලයට කාන්තාවක් ගෙන්වා ගැනීම සම්බන්ධයෙන් අයි.සී.සී.ය විසින් අෆ්තාබ් නැවත ඇෆ්ගනිස්තානයට යැවීමට පියවර ගෙන තිබිණි.

කෙසේ වෙතත් මෙම සිදුවීමට පෙර එනම් මෙම ලෝක කුසලාන ක්‍රිකට් තරගාවලිය අතරතුරදීද අෆ්තාබ් විනය විරෝධී ක්‍රියාවන් කිහිපයක්ම සිදුකර තිබීම මෙම දඬුවම පැනවීමට පියවර ගත් බවද කියැවේ.

මේවන විට 23වැනි වියෙහි පසුවන අලාම් අවසන් වරට ලෝක කුසලාන තරගාවලියට පැමිණියේ ඉන්දියාවට එරෙහිව සදම්ටන්හිදී ය. එහිදී ඔහු කණ්ඩායම් හෝටලයේ කාන්තාවක් සමඟ අයුතු ලෙස හැසිරී ඇති බව වාර්තා වේ. අලාම් ලෝක කුසලාන තරගාවලියේදී ඔහුගේ නමට කඩුලු 03 ක් දවාගෙන සිටියේය.

Leave a Reply

Your email address will not be published. Required fields are marked *

eighteen − seven =