තහනම් සංවිධානවල සැකකරුවන් 11දෙනෙකු ටී.අයි.ඩී භාරයට

(කොළඹ, ලංකාපුවත්) – දිවයිනේ තහනම් කර ඇති සංවිධානවල සාමාජිකයින් බවට රාජ්‍ය බුද්ධි සේවයේ තොරතරු මත සිදු කළ මෙහෙයුම්වලදී අම්පාර පොලිස් ස්ථානය මගින් අත්අඩංගුවට ගෙන රැදවුම් නියෝග මත සිටින ජමාතේ මිල්ලතේ ඉබ්‍රාහිම් නැමැති තහනම් සංවිධානයේ සාමාජිකයන් 11 දෙනෙකු වැඩිදුර විමර්ශන සඳහා ත්‍රස්ත විමර්ශන කොට්ඨාශය වෙත භාරදීමට කටයුතු කර ඇත.

ඔවුන් දින 90 ක රැදවුම් නියෝග මත තබාගනිමින් විමර්ශණ සිදුකළ අතර ඊයේ(10) එම සැකකරුවන් 11 දෙනා ත්‍රස්ත්‍ර විමර්ශණ කොට්ඨාශයට භාරදුන් බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සදහන් කළේය.

මෙම සැකකරුවන් 11 දෙනා අතරට මොහොමඩ් මන්සූර් සෙයිෆුල්ලාහ්, මොහොම්මඩු රියාල් මොහොමඩ් සාජිද්, මුස්තාක් අලි අම්හර් , මොහොමඩ් තාහිර් හිදයතුල්ලා හා මොහොමඩ් රම්සින් රුප්දි අහමඩ් යන පිරිස ඇතුලත් වේ.

එමෙන්ම මොහිදින් බාවා මොහොමඩ් රූම, අබාදුල් හලීම් මොහොමඩ් හිමාස් , මොහොමඩ් කාසිම් මොහොමඩ් අකිල් , හිස්බුල්ලා බාස් හුස්නි අහමඩ් , මොහොමඞ් සාහිර් මොහොමදු අහ්සන් , මොහොමදු අවුතාක් අනීස් මොහොමඞ් යන සැකකරුවන්ද වැඩිදුර විමර්ශණ සදහා ත්‍රස්ත්‍ර විමර්ෂණ කොට්ශායට භාර දුන් සැකකරුවන් 11 දෙනා අතරට ඇතුලත් ය.

Leave a Reply

Your email address will not be published. Required fields are marked *

fourteen − eight =