තායිවාන හමුදා ප්‍රධානියා ගුවන් අනතුරකින් ජීවිතක්‍ෂයට

(කොළඹ, ලංකාපුවත්) –තායිවානයේ හමුදා ප්‍රධානියා ගුවන් අනතුරකින් ඊයේ(02) මිය ගොස් ඇත. ඔහු සමඟ ගමන් කළ තවත් හමුදා භටයින් 07දෙනෙකු ද ජීවිතක්‍ෂයට පත්ව ඇතැයි විදෙස් මාධ්‍ය වාර්තා කර තිබේ.

තායිවානයේ හමුදා ප්‍රධානී, ජෙනරාල් ෂෙන් ටී – මින්ග් සහ තවත් 12දෙනෙකු ගමන් ගත් බැලැක් හෝක් වර්ගයේ හෙලිකොප්ටර් යානයක් මෙලෙස අනතුරට ලක්ව ඇති බව සදහන් වේ.

ජෙනරාල්වරයා තායිවානයේ ඊසාන දෙසින් පිහිටි හමුදා තඳවුරකට යමින් සිටියදී මෙම අනතුර සිදුව ඇත. අයහපත් කාලගුණයක් පැවැති අවස්ථාවක යානය ගොඩබැස්වීමට යාමේ දී අනතුර සිදුව ඇති බව විදෙස් වාර්තා සදහන් කරනු ලැබේ.

යානයේ සිටි අයගෙන් පස් දෙනෙකු දිවි ගලවාගැනීමට සමත්ව තිබේ.

Leave a Reply

Your email address will not be published. Required fields are marked *

8 − 4 =