කොරෝනා වෛරසයෙන් ආරක්‍ෂා වීමට චීනයෙන් ශ්‍රී ලංකාවට පරිත්‍යාගයක්

(කොළඹ, ලංකාපුවත්) – චීනය සායනික මුහුණු ආවරණ හා කොරෝනා වෛරස වැළැක්වීමේ ඇඳුම් කට්ටල තොගයක් ශ්‍රී ලංකාවට පරිත්‍යාග කර ඇත.

ඒ අනුව කොරෝනා වෛරසය වැළැක්වීමේ ඇඳුම් කට්ටල දහසක් සහ සායනික මුහුණු ආවරණ 50,000ක් ශ්‍රී ලංකාවට පරිත්‍යාග කිරීමට චීනය කටයුතු කර තිබේ.

මෙරට වැඩබලන චීන තානාපති Hu Wei මහතා හා සෞඛ්‍ය අමාත්‍ය පවිත්‍රා වන්නිආරච්චි මහත්මිය අතර හමුවක් ඊයේ (12)පස්වරුවේ චීන තානාපති කාර්යාලයේදි පැවැත් වුණි.

එහිදි මෙරට තුළ කොරෝනා වෛරසය ව්‍යාප්ත වුවහොත් එය මැඩ පැවැත්විමට අවශ්‍ය සහාය ලබා දිමට චීන රජය සූදානම් බව වැඩබලන තානාපතිවරයා දැනුම් දී තිබේ. එහි පළමු අදියර යටතේ සායනික මුහුණු ආවරණ 50,000 ක් හා සායනික ඇඳුම් කට්ටල 1000 ක් ශ්‍රී ලංකාවට පිරිනැමීම සිදුවිය.

Leave a Reply

Your email address will not be published. Required fields are marked *

14 + 19 =