(කොළඹ, ලංකාපුවත්) – ඉන්දියානු ක්‍රිකට් කණ්ඩායමේ හිටපු ආරම්භක පිතිකරුවෙකු වන චෙතන් චෞහාන්, කොරෝනා වැළදීම හේතුවෙන් මිය ගොස් ඇත.
ඔහු වෛරසය වැළිඳීමෙන් මාසකයට අධික කාලයක් ප්‍රතිකාර ලබමින් සිටිය දී ඊයේ(16) අභාවප්‍රාප්ත වූ බව සදහන් වේ. මිය යන විට චෞහාන් 73වන වියෙහි පසුවූ බව ඉන්දීය මාධ්‍ය වාර්තා වෙයි.
1970 දශකයේ සුනිල් ගවස්කාර්ගේ ආරම්භක සහකරු ලෙස ක්‍රිඩා කළ දකුණත් පිතිකරු චෙතන් චෞහාන් 1969 සිට 1981 දක්වා ඉන්දියානු කණ්ඩායම නියෝජනය කළේය.
ක්‍රීඩාවෙන් විශ්‍රාම ගැනීමෙන් පසු දිල්ලි සහ දිස්ත්‍රික් ක්‍රිකට් සංගමය සමඟ විවිධ තනතුරු හෙබවූ ඔහු ඉන්දියානු කණ්ඩායම් කළමනාකරු ලෙස ද සේවය කරන ලදි.
