ආගමන හා විගමන දෙපාර්තමේන්තුවේ බත්තරමුල්ල ප්‍රධාන කාර්යාලය මහජනතාවට තාවකාලිකව වැසේ

(කොළඹ, ලංකාපුවත්) –කොවිඩ් – 19 වෛරස ව්‍යාප්තිය වැළැක්වීමේ පියවරක් ලෙස අද (02) සිට නැවත දැනුම්දෙනතුරු ආගමන හා විගමන දෙපාර්තමේන්තුවේ බත්තරමුල්ල ප්‍රධාන කාර්යාලය වෙත මහජනතාව පැමිණීම තාවකාලිකව අත්හිටුවා තිබේ.

ආගමන හා විගමන දෙපාර්තමේන්තු ප්‍රධාන කාර්යාලය මගින් ලබාගත යුතු අත්‍යවශ්‍ය සේවාවන් සඳහා රාජකාරි දිනයන්හි පෙරවරු 8 සිට පස්වරු 4.30 දක්වා පහත දුරකථන අංක මගින් හෝ විද්‍යුත් තැපැල මගින් අදාළ අංශ හා සම්බන්ධ වී උපදෙස් ලබා ගන්නා ලෙස දන්වා ඇත.

ගමන් බලපත් අංශය – 0707101060, 0707101070

පුරවැසි අංශය – 0707101030

විදේශ දුත මණ්ඩල අංශය – 0115329233, 0115329235

වීසා අංශය – 0707101050
[email protected]
[email protected]
[email protected]
[email protected]

තොටුපළ අංශය – 0777782505

පොදු උපදෙස් හා තොරතුරු www.immigration.gov.lk

මහනුවර, වව්නියාව, මාතර සහ කුරුණෑගල යන ප්‍රාදේශීය කාර්යාල, අත්‍යවශ්‍ය අවස්ථාවලදී ගමන් බලපත්‍ර ලබාදීම සඳහා විවෘතව තැබේ.

ඒ අනුව, රට තුළ පනවා ඇති සෞඛ්‍ය රෙගුලාසිවලට යටත්ව 0707101060, 0707101070 යන දුරකථන අංක මගින් දිනයක් හා වේලාවක් වෙන් කරගෙන ඉහත ප්‍රාදේශිය කාර්යාල වෙත යොමුවන ලෙසට දන්වා ඇත.

දැනට නිරෝධායන ඇඳිරිනීතිය පනවා ඇති ප්‍රදේශවල මහජනතාව මෙම අවස්ථාවේදී ඉහත ප්‍රාදේශිය කාර්යාලයන් වෙත පැමිණිමෙන් වළකින ලෙසද දන්වා තිබේ.

එමෙන්ම සේවාවන් ලබාදීම පවතින වසංගත තත්ත්වය හමුවේ රජය විසින් වරින්වර ගනු ලබන ප්‍රතිපත්තිමය තීරණ, ඇඳිරිනීතිය පැනවීම, සෞඛ්‍ය අංශ හා ආරක්ෂක අංශ තීරණයන්ට යටත් වන බවද, ඒ අනුව සේවා ලබාදීම පිළිබඳ තීරණ වරින්වර සංශෝධනය කිරීම්වලට යටත්වන බවද නිවේදනයේ සඳහන් වේ.

Leave a Reply

Your email address will not be published. Required fields are marked *

seventeen + eleven =