ලේඛනවල අසත්‍ය තොරතුරු සටහන් කරන පුද්ගලයින්ට දැඩි පියවර

(කොළඹ, ලංකාපුවත්) –රටේ පවතින තත්ත්වය හමුවේ නිරෝධායන නියෝගයන්ට පටහැනිව කටයුතු කරන හෝ සත්‍ය තොරතුරු වසන්කර යම් ලේඛනවල අසත්‍ය තොරතුරු සටහන් කරන පුද්ගලයින්ට එරෙහිව දැඩි පියවර ගන්නා බව නියෝජ්‍ය පොලිස්පති පොලිස් මාධ්‍ය ප්‍රකාශක අජිත් රෝහණ මහතා පවසයි.

නිරෝධායන ආඥා පනත යටතේ කටයුතු කරමින් එවැනි අයට විරුද්ධව වසර 05 දක්වා බන්ධනාගාරගත කිරීමකින් දඬුවම් කිරීමට හැකියාවක් ඇති බව ඔහු පෙන්වා දෙයි.

කොරෝනා ව්‍යාප්තිය හේතුවෙන් බොහෝ ස්ථාන වල ජනතාවගේ තොරතුරු සටහන් කිරීමට ඇති ලේඛනවල කිසියම් පුද්ගලයෙක් අසත්‍ය තොරතුරු සටහන් කරන්නේ නම් එය කූඨ ලේඛන සකස් කිරීමේ වරදට ද යටත්වේ.

මේ අතර පොලිස් මාධ්‍ය ප්‍රකාශකවරයා කියා සිටියේ ගත වූ පැය 24 තුළ නිරෝධායන ඇදිරිනීතිය කඩ කළ පුද්ගලයන් 140 දෙනෙකු අත්අඩංගුවට ගෙන ඇති බවයි.

Leave a Reply

Your email address will not be published. Required fields are marked *

11 − ten =