SLT-MOBITEL Bizchat වෙතින් ෆේස්බුක් චැට්බොට් සේවාවක්

(කොළඹ, ලංකාපුවත්) – ශ්‍රී ලංකාවේ ජාතික තොරතුරු සන්නිවේදන තාක්ෂණ හා ජංගම දුරකථන ජාලය වන SLT-MOBITEL සිය SLT-MOBITEL Bizchatසේවාව තවදුරටත් වැඩිදියුණු කරමින් නව ෆේස්බුක් චැට්බොට් සේවාවක් හඳුන්වා දීමට පියවර ගෙන තිබේ. මෙරට සුළු හා මධ්‍යම පරිමාණ ව්‍යාපාරවලට නවීන තාක්ෂණයෙන් ප්‍රතිලාභ ලබමින්, ෆේස්බුක් සමාජ මාධ්‍ය පදනම ඔස්සේ තම ව්‍යාපාර කටයුතු දියුණු කරගැනීමට අත්වැලක් වීම මෙහි මූලික අරමුණ වී තිබේ.

කෘත්‍රිම බුද්ධි තාක්ෂණය (Artificial Intelligence – AI) පදනම් කරගත් SLT-MOBITEL Bizchatසේවාව, ස්වයංක්‍රීය සංවාද තාක්ෂණයකි. විශාල පාරිභෝගිකයන් සංඛ්‍යාවක් සමග එකවර සංවාදයේ යෙදීමට හැකි වන ආකාරයට එය සැලසුම් කර තිබේ. ශ්‍රී ලාංකික සමාගම් වලට තම වෙබ් අඩවි හා සමාජ මාධ්‍ය පිටු ඔස්සේ පාරිභෝගිකයන් හා සම්බන්ධතා පවත්වා ගැනීමට මෙය උපකාරී වෙයි.

SLT-MOBITEL Bizchatසේවා එකතුවට එක් වූ නවතම සුහුරු විසඳුම වනමෙම චැට්බොට් සේවාව වෙබ් අඩවියකට ඇතුළත් කරගැනීම සඳහා කළ යුතු වන්නේ සරල කේත පෙළක් අදාළ වෙබ් අඩවියට ‘copy & paste’කිරීම පමණි. සේවාදායකයන්ගේ ඉල්ලීම පරිදි චැට්බොට් සේවාව ස්ථාපිත කිරීම සඳහා සහය ලබාදීමටද SLT-MOBITEL කටයුතු කරනු ඇත.

සමාගමක ෆේස්බුක් පිටුවකට මෙම චැට්බොට් සේවාව ඇතුළත් කිරීමට හැකිවීම මෙහිලා අතිශයින් වැදගත් ය. විශේෂයෙන්ම වෙබ් අඩවියක් නොමැති කුඩා පරිමාණ ව්‍යාපාර වලට මෙම සේවාව භාවිතයෙන් තම ෆේස්බුක් පිටු හරහා පාරිභෝගිකයන් සම්බන්ධ කරගැනීමට මහඟු අවස්ථාවක් හිමි වේ. මෙමගින් සමාජ මාධ්‍ය වල හැකියාවන් මැනැවින් ප්‍රයෝජනයට ගනිමින්, සයිබර් අවකාශය තුළ තම ව්‍යාපාර කටයුතු ප්‍රවර්ධනය කරන අතරම ගනුදෙනුකරුවන්ගේ අවශ්‍යතා නොපිරිහෙළා ඉටුකිරීමටඑම ව්‍යාපාර වලට හැකි වනු ඇත.

විශේෂයෙන්ම ලොව පුරා සිදුවෙමින් පවතින වසංගත රෝග ව්‍යාප්තියහේතුවෙන් සමාජ දුරස්ථකරණය අනිවාර්ය අංගයක් වී ඇති තත්ත්වයක් හමුවේ සහ සුළු හා මධ්‍යම පරිමාණ ව්‍යාපාර වලට වරින් වර දැඩි බලපෑම් එල්ල වන පසුබිමක් තුළ, ෆේස්බුක් චැට්බොට් සේවාවක් යනු ව්‍යාපාරයකට අතිශයින් ප්‍රයෝජනවත් විසඳුමකි. මෙමගින් පාරිභෝගික සහය සේවාව ස්වයංක්‍රීයකරණය කිරීම, සන්නාමය ප්‍රවර්ධනය කිරීම සහ නව පාරිභෝගිකයන් ආකර්ෂණය කරගැනීම වැනි ප්‍රතිලාභ රැසක් හිමිකර ගැනීමට ව්‍යාපාර වලට අවස්ථාව ලැබෙනු ඇත.

SLT-MOBITEL Bizchatමගින් සුළු හා මධ්‍යම පරිමාණ ව්‍යාපාර වලට පාරිභෝගික සහය සේවාවන් හා සංවාද ස්වයංක්‍රීයකරණය කළ හැකි වන අතර, වඩාත් ඉක්මන් හා ගුණාත්මක සේවාවක් ලබාදීම තුළින් පාරිභෝගිකයන්ට විශිෂ්ට තලයේ අත්දැකීමක් ලබාදිය හැකි වේ. සෑම දිනකම පැය 24 පුරා සේවාව ලබාදෙමින්, ස්වයංක්‍රීය පිළිතුරු ඔස්සේ පාරිභෝගික ගැටලු විසඳුමට මීට හැකියාව ඇත. මෙය සුළු හා මධ්‍යම පරිමාණ ව්‍යාපාර වලට තම කාලය හා සම්පත් ඉතිරි කරගනිමින්, තම මූලික ව්‍යාපාර කටයුතු කෙරෙහි වැඩි අවධානයක් යොමුකරවීමට අවස්ථාව ලබාදෙයි.
මෙම සේවාව සම්බන්ධ වැඩිදුර විස්තර www.slt.lk/bizchat, වෙත පිවිසීමෙන්,011 2389 389 අංකය ඇමතීමෙන් හෝ 070 500 4000 අංකයෙන් (WhatsApp පමණි) ලබාගත හැකි වේ.

නව ව්‍යාපාරික හා අලෙවි අවස්ථාවන් නිර්මාණය කරගනිමින් පැහැදිලි ප්‍රතිඵල අත්කරගැනීම සඳහා SLT-MOBITEL Bizchatසේවාව ඕනෑම උපාංගයක් සමග භාවිතා කිරීමට සුළු හා මධ්‍යම පරිමාණ ව්‍යාපාර වලට හැකියාව ලැබෙන අතර,වෘත්තිකයන් විසින් එය ස්ථානගත කිරීම හා වැඩිදියුණු කිරීම සිදුකරනු ලබයි.A/B පරීක්ෂණ ක්‍රියාවලිය භාවිතා කිරීම මගින්, අනෙකුත් තරගකාරී චැට්බොට් සේවාවන් සාපේක්ෂව ඉහළම සංවාද මට්ටමක් පවත්වා ගැනීමට මෙම චැට්බොට් සේවාවට හැකියාව ඇත.

SLT-MOBITEL Bizchatහි තවත් වැදගත් ලක්ෂණයක් වන්නේ, එය සන්නාමයන්ට වැඩි ප්‍රචාරණයක් ලබාදීම සඳහා විශිෂ්ට පදනමක් ලෙස භාවිතා කළ හැකි වීමයි. ජනතාව දැනුවත් කරමින්, පාරිභෝගික-කේන්ද්‍රීය අන්තර් ක්‍රියාකාරී අත්දැකීම් ලබාදෙමින්, සුළු හා මධ්‍යම පරිමාණ ව්‍යාපාර වල සන්නාම ප්‍රවර්ධන උත්සාහයන්ට මහඟු අත්වැලක් වීමටමෙමසේවාවට හැකියාව ඇත.

ස්වයංක්‍රීයව දැනුවත් වන හා යාවත්කාලීන වන චැට්බොට් සේවාවක් වන SLT-MOBITEL Bizchatපරිශීලකයන් කිහිපදෙනෙකු සමග එකවර ගනුදෙනු කිරීමට සමත් ය. එමගින් සුරක්ෂිත,cloud පහසුකම පදනම් කරගත් චැට්බොට් සේවාවක් ලබාදෙන නිසා සුළු හා මධ්‍යම පරිමාණ සමාගම් වල රහස්‍යභාවය හා ආරක්ෂාව තහවුරු වන අතර, විනාඩි කිහිපයක් තුළ චැට්බොට් සේවාවක් නිර්මාණය කළ හැකි වේ. එමෙන්ම එය පාරිභෝගිකයන්ට ඉතාමත් පහසුවෙන් භාවිතා කළ හැකි සේවාවකි.

ඩිජිටල් ලෝකයට නිසි පරිදි අනුගත වීමට සුළු හා මධ්‍යම පරිමාණ ව්‍යාපාර වලට අත්වැලක් වන SLT-MOBITEL Bizchat,ව්‍යාපාරික මට්ටමේ සුවිශේෂී අංග රැසකින් සමන්විත වේ. පාරිභෝගිකයන්ගේ තොරතුරු ලබාගැනීම සඳහා ඉතාමත් පහසුවෙන් සංවාදශීලී, අන්තර්ක්‍රියාකාරී ආකෘති පත්‍ර නිර්මාණය කිරීමේ හැකියාව, චැට් පදනම් කරගත් සෙවුම් ක්‍රමයක්, ස්වාභාවික භාෂා පිරිසැකසුම් හැකියාව, පිළිතුරු පුහුණු කිරීම, ගෙවීම් සහ දායකත්වයන් ආදිය මීට ඇතුළත් වේ. CRM පදනම් සමග සෘජුව සම්බන්ධ කිරීමේ හැකියාව සහ ෆේස්බුක් සමග සම්බන්ධ කිරීමේ හැකියාව ආදිය SLT-MOBITEL Bizchatමගින් ව්‍යාපාර වලට ලැබෙන අනෙකුත් වාසි ලෙස පෙන්වා දිය හැකි ය.

තාක්ෂණයේ දියුණුවමැනැවින් භාවිතා කරමින්, හෝටල්, පෞද්ගලික රෝහල්, මාර්ගගත අලෙවිසැල්, අධ්‍යාපන ආයතන, බෙදාහරින්නන්, වෙළඳසැල්, සුපිරි වෙළඳසැල්, සහ දේපළ සමාගම් ඇතුළු ව්‍යාපාර රාශියකට අත්වැලක් වීමට SLT-MOBITEL Bizchatසේවාවට හැකියාව ඇත. එහි ඇතුළත් විශේෂාංග එම සමාගම් වලට පාරිභෝගික අවශ්‍යතාවන් නිසි ලෙස සපුරාලමින් දියුණුවෙන් දියුණුව කරා යාමට මහෝපකාරී වනු නොඅනුමාන ය.