(කොළඹ, ලංකාපුවත්) – ඉන්දීය ප්‍රිමියර් ලිග් ක්‍රිකට් තරඟාවලියේ රයිසන් පූනේ සුපර් ජයන්ට්ස් කණ්ඩායම සමඟ පැවැති තරගයෙන් කඩුලු 07ක ජයක් හිමිකර ගැනිම කොල්කටා නයිට්රයිඩර්ස් කණ්ඩායම ඊයේ (26) සමත් විය.
තරඟයේ කාසියේ වාසිය දිනූ කොල්කටා කණ්ඩායම පළමුව පන්දුවට පහරදිමේ අවස්ථාව පූනේ කණ්ඩායමට ලබා දුන් අතර ඒ අනුව ඔවුන් නියමිත පන්දුවාර 20 අවසානයේ කඩුලු 05ක දැවී ලකුණු 182ක් ලබා ගැනීමට සමත් විය.
පිළිතුරු ඉනිම සඳහා පිටියට පිවිසි කොල්කටා කණ්ඩායම පන්දුවාර 18යි එක් පන්දුවක් තුළ කඩුලු 03ක් පමණක් දැවී ජයග්‍රහණය වාර්තා කළේය.
