(කොළඹ, ලංකාපුවත්) – බහරේන් රාජ්‍යය ශ්‍රී ලංකාවේ වැඩි වශයෙන් ආයෝජන සඳහා කැමැත්ත පළකර ඇත.
බහරේන් වාණිජ හා කර්මාන්ත මණ්ඩල වෙළෙඳ දූත කණ්ඩායමක් කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා සමග පැවති සාකච්ඡාවක දී මේ බව සඳහන් කර තිබේ.
දෙරටේ ආර්ථික කටයුතු සම්බන්ධයෙන් වූ මෙම සාකච්ඡාව කර්මාන්ත හා වාණිජ කටයුතු අමාත්‍යංශයේ දී පැවැත්වුණි.
ශ්‍රී ලංකාවේ මැණික් හා ස්වර්ණාභරණ ක්‍ෂේත්‍රයේ ව්‍යාපාර සඳහා බහරේන් දූත පිරිසගේ වැඩි අවධානය යොමුව ඇත. මෙහිදී අමාත්‍යවරයා සඳහන් කළේ බහරේන් ආයෝජනවලට ශ්‍රී ලංකා රජය නම්‍යශීලි ප්‍රතිපත්තියක් අනුගමනය කරන බවයි.
