(කොළඹ, ලංකාපුවත්) –වෘත්තීය සමිති කිහිපයක් වැඩ වර්ජනයක නිරත වන බව පැවසුවද දිවයින පුරා පාසල් සාමාන්‍ය පරිදි පැවැත්වෙන බව වාර්තාවේ.
අද(04) දිනයේ පාසල් පැවැත්වෙන්නේ නැති බවට වෘත්තීය සමිතියක් අසත්‍ය ප්‍රචාර සිදුකරමින් කළ ප්‍රකාශය ද අධ්‍යාපන අමාත්‍ය අකිල විරාජ් කාරියවසම් මහතා දැඩි ලෙස හෙලාදුටුවේය.
අධ්‍යාපනයට දේශපාලනය එකතු කර ගනිමින් දරුවන්ගේ අධ්‍යාපනය කඩාකප්පල් කිරීමට කටයුතු නොකරන ලෙස ද ඔහු ඉල්ලා සිටියේය.
මේ වනවිට දිවයින පුරා පාසල් සියල්ලම විවෘතව පවති. කිසිදු පාසලක් වසාදමා නැති බව විදුහල්පතිවරුන් ද සදහන් කර තිබේ.
