(කොළඹ, ලංකාපුවත්) –විල්පත්තු සෆාරි උද්යානයේ ඉදිකිරීම් කටයුතු මේ වන විට සිදුවෙමින් පවතී. විල්පත්තු වනෝද්යානයට ඇතුළු වීම සඳහා ආණමඩුව දෙසින් වන්නට ඇති පිවිසුම් මාර්ගය මූලික කර ගනිමින් මෙහි ඉදිකිරීම් කටයුතු සිදුකෙරේ.
සංචාරක කර්මාන්තය තුළින් ප්රදේශයට ආර්ථික සංවර්ධනය අත්කර දීම මෙහි මූලික අරමුණකි.
වාරිමාර්ග හා ආපදා කළමනාකරණ රාජ්ය අමාත්ය පාලිත රංගේ බණ්ඩාර මහතා විසින් ඉදිරිපත් කළ යෝජනාවකට අනුව රජය මේ සඳහා ප්රතිපාදන වෙන්කර තිබේ. දේශීය නිෂ්පාදන අළෙවි කිරීමේ මධ්යස්ථාන ඇති කිරීමටද මෙමගින් සැලසුම් කර ඇත.
විල්පත්තුවේ සංචාරය කරන දෙස් විදෙස් සංචාරකයින්ට දේශීයත්වයට අනුව පිළීයෙල කළ ආහාර ලබා දීම, දේශීය නිෂ්පාදන මිලදී ගැනීමට අවස්ථාව උදාකිරීම, නවාතැන් පහසුකම්, දේශීය වෛද්ය ප්රතිකාර ඇතුළු බොහෝ දේ වෙනුවෙන් මෙම උද්යානය තුළ වෙන් වෙන් වශයෙන් මධ්යස්ථාන පිහිටුවීමටද යෝජනා වී තිබේ.
එමෙන්ම පිහිනුම් තටාක, ව්යායාම් සඳහා වෙන්වූ කලාප ඇතුළු අංග රැුසක් ඉදිකිරීමට නියමිතය.
අමාත්ය පාලිත රංගේ බණ්ඩාර මහතා පැවසුවේ මෙම ව්යාපෘතියේ සියළු ඉදිකිරීම් 2019 වසර අවසන්වන විට නිම කිරීමට නියමිත බවයි.
ඔහු මේ බව පැවසුවේ එම උද්යානයේ ඉදිකිරීම් සිදුවන ආකාරය නිරීක්ෂණය කිරීම සඳහා පැමිණි අවස්ථාවේදීය. විල්පත්තු සෆාරි උද්යායනය ප්රදේශයේ සියළු කරමාන්තකරුවන්ගේ උන්නතිය වෙනුවෙන් විවෘත කිරීමට පියවර ගන්නා බව අමාත්යවරයා පැවසීය.
