(කොළඹ, ලංකාපුවත්) –එංගලන්තය සහ පාකිස්තානය බ්‍රිස්ටල්හිදී පැවැති තෙවැනි එක්දින තරගයේදී නියමිත කාලයට පන්දුවාර 50 යැවීමට නොහැකිවීම හේතුවෙන් එංගලන්ත නායක ඉයොන් මෝගන්ට තරගයක තහනමක් සහ තරග ගාස්තුවෙන් 40%ක දඩමුදලක් අයකර ගැනීමට තිරණය කර තිබේ.
මෙම දඬුවම පිරිනමා ඇත්තේ තරග තීරක රිචී රිචඞ්සන් විසින්. ඒ අනුව පාකිස්තානයට එරෙහිව පැවැත්වෙන සිවුවැනි එක්දින තරගය ඉයොන් මෝගන්ට අහිමි වනු ඇත.
තරග 5 කින් සමන්විත එක්දින තරගාවලිය 2-0 ක් ලෙස පෙරමුණ ගැනීමට එංගලන්තය මේ වනවිට සමත්ව ඇත.
පාකිස්තානය නියමිත ඕවර 50 තුලදී ලකුණු 358 ක් රැස්කළ අතර ඊට පිළිතුරු ලෙස එංගලන්තය පන්දු 31 ක් ඉතිරිව තිබියදී කඩුලු 6 කින් තරගය ජයගැනීමට සමත්විය. අමතර කාලයක්ද ප්‍රදානය කිරීම අනතුරුවද ඕවර 2 ක් අඩුවෙන් යවා තිබීම හේතුවෙන් අන්තර් ජාතික ක්‍රිකට් සභාවේ දණ්ඩ නිතී සංග්‍රහයේ 2.22.1 වගන්තියට අනුව මෙම දඩුවම සහ දඩ මුදල් අයකර ගැනීමට තරග තීරක රිචී රිචඩ්සන් තීරණය කර ඇත.
