(කොළඹ, ලංකාපුවත්) –ජනාධිපතිවරණයෙන් ලද පරාජය තමන් පිළිගන්නා බවත් එක්සත් ජාතික පක්ෂයේ නියෝජ්ය නායක ධුරයෙන් ඉල්ලා අස්වන බව නව ප්රජාතන්ත්රවාදී පක්ෂයේ ජනාධිපති ධුර අපේක්ෂක සජිත් ප්රේමදාස මහතා පවසයි.
එමෙන්ම 7 වන ජනාධිපතිවරයා වශයෙන් ජනාධිපතිවරණයෙන් තේරීපත්වන ගෝඨාභය රාජපක්ෂ මහතාට තමන්ගේ සුභාෂිංශන පිරිනමන බව නිවේදනයක් නිකුත් කරමින් ඔහු සදහන් කරයි.
ඉදිරියේදී තමන්ගේ දේශපාලන කටයුතු සිදුකරනු ලබන ආකාරය සම්බන්ධයෙන් ජනතාව දැනුවත් කරන බව ද සජිත් ප්රේමදාස මහතා පවසා තිබේ.
නිදහස් හා සාමකාමී මැතිවරණයක් පැවැත්වීම සඳහා කැපවූ මැතිවරණ කොමිෂන් සභාවේ සභාපතිවරයා ඇතුළු සියලු නිලධාරීන්ට සහ රටවැසියන්ට සිය ස්තුතිය පුදකරන බව ද සජිත් ප්රේමදාස මහතා කියා සිටියේය.
තමන් සමග පුරා වසර 26ක් දේශපාලනය කිරීමේදී එකට සිටි සියළුම ජනතාවට සිය ස්තුතිය පුද කරන බව සජිත් ප්රේමදාස මහතා සිය නිවේදනයෙන් වැඩිදුරටත් සදහන් කර ඇත.
