(කොළඹ, ලංකාපුවත්) – පාර්ලිමේන්තු මන්ත්‍රීවරියන්ගේ සංසදයේ නිල වෙබ් අඩවිය www.slwpc.org අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද (09) අන්තර්ජාලයට එක් කෙරිණි.
ජාත්‍යන්තර කාන්තා දිනය 2021 ට සමගාමීව පාර්ලිමේන්තු මන්ත්‍රීවරියන් ගේ සංසදය මෙම නිල වෙබ් අඩවිය එළි දක්වා තිබේ.
පාර්ලිමේන්තුවේ කමිටු ශාලා 01හි දී පැවති මෙම උත්සව අවස්ථාවට කතානායක මහින්ද යාපා අබේවර්ධන මහතා ද එක්වූයේය.
සමගි ජනබලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා, පාර්ලිමේන්තු මන්ත්‍රීවරියන්ගේ සංසදයේ සභාපති රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය ඇතුළු එම සංසදයේ පාර්ලිමේන්තු මන්ත්‍රීවරියෝ වෙබ් අඩවිය එළි දක්වන අවස්ථාවට එක්ව සිටියහ.
