(ලංකාපුවත් | කොළඹ) – නව ගුවන් පාලම් 4ක් ඉදිකිරීම සඳහා මහාමාර්ග අමාත්‍යවරයා විසින් ඉදිරිපත් කළ යෝජනාවට කැබිනට් මණ්ඩල අනුමැතිය හිමිව තිබේ.
ඒ අනුව මෙරට යටිතල පහසුකම් සංවර්ධන ව්‍යාපෘති ක්‍රියාත්මක කිරීම යටතේ හංගේරියාවේ එක්සීම් බැංකුව හරහා සහන මුල්‍ය සහයෝගීතා ගිවිසුමකට එළඹ ඇත.
මෙම වැඩසටහන යටතේ මේ වන විට කොහුවල සහ ගැටඹේ ගුවන් පාලම් ඉදිකිරීමේ ව්‍යාපෘතීන් ආරම්භ කර තිබේ.
මෙම ව්‍යාපෘතීන් වලට අමතරව ජාතික මාර්ග ජාලයේ මුත්තෙට්ටුගල දුම්රිය හරස් මාර්ගය සහ හිරිපිටිය හන්දිය ,පස්යාල මංසංධිය ,මීගමුව මරියෙස්ටෙලා මං සන්ධිය සහ තලවතුගොඩ මංසන්ධිවල ඇති වන මාර්ග තදබදය අවම කිරීමට එම ස්ථාන වල ගුවන් පාලම් 04 ක් ඉදිකිරීමට මහා මාර්ග අමාත්‍යවරයා ඉදිරිපත් කළ යෝජනාවට කැබිනට් අනුමැතිය ලැබී ඇත.
