(කොළඹ, ලංකාපුවත්) –අමෙරිකානු ආරක්ෂක හමුදාවේ 06 වන බල ඇණිය අභ්‍යාවකාශ බලකායක් ලෙස ස්ථාපිත කරන ලෙස ජනාධිපති ඩොනල්ඩ් ට්‍රම්ප් නියෝග කර තිබේ.
එමගින් ජාතික ආරක්ෂාව තහවුරු වන අතරම, රැකියා ජනනය කරමින් අමෙරිකානු ආර්ථිකය ද ශක්තිමත් කරනු ඇති බව ඔහු සඳහන් කර ඇත.
අමෙරිකාව අභ්‍යාවකාශයට පිවිසීම පමණක් ප්‍රමාණවත් නොවන අතර, එහි ආධිපත්‍යය පැතිර වීමට ද කටයුතු කළ යුතු බව ජනපති ට්‍රම්ප් ප්‍රකාශ කර තිබේ.
එමෙන්ම අමෙරිකානුවන් නැවත සඳ වෙත යැවීමට සහ අඟහරු වෙත මිනිසුන් යැවීමට පියවර ගන්නා බවට ද ඔහු ප්‍රතිඥාවක් ලබාදී ඇති බව වාර්තා වේ.
