(කොළඹ, ලංකාපුවත්) –මාවනැල්ලේ බුදු පිළිමවලට හානි කිරිමේ සිද්ධිය සම්බන්ධයෙන් අත්අඩංගුවට ගත් පුද්ගලයන් 15 දෙනා යළි රක්ෂිත බන්ධනාගාර ගතකර තිබේ. ඒ ලබන මස 08 වනදා දක්වාය.
මාවනැල්ල මහේස්ත‍්‍රාත් උපුල් රාජකරුණා මහතා අදාළ නියෝගය නිකුත් කළේය.
සිද්ධිය සම්බන්ධයෙන් පුද්ගලයන් 14 දෙනෙකු මීට පෙර අත්අඩංගුවට ගෙන තිබුණි. තවත් පුද්ගලයෙක් ද අත්අඩංගුවට ගෙන අද (25) අධිකරණයට ඉදිරිපත් කළ බව මාවනැල්ල පොලිසිය සඳහන් කළේය.
මීට අමතරව ත‍්‍රස්තවාදීන් ප‍්‍රවාහනය කළ බවට සැක කෙරෙන වෑන් රථ දෙකක් ද අත්අඩංගුවට ගෙන අධිකරණය හමුවට ඉදිරිපත් කළ බව පොලිසිය පැවසීය.
