(කොළඹ, ලංකාපුවත්) –ශ්‍රී ලාංකිකයන්ගේ ප්‍රියතම ක්‍රීඩාව වන ක්‍රිකට් ක්‍රීඩාවේඋන්නතියටතම දායකත්වය ලබාදීමේ උත්සාහයේ තවත් පියවරක් ලෙස,JAT Holdings සමාගම 2020/21 ක්‍රිකට් සමය වෙනුවෙන් මේ වසරේ මැයි 31 වැනිදා දක්වා ශ්‍රී ලංකා ක්‍රිකට් කණ්ඩායමේ විදේශ සංචාර සඳහා වන නිල අනුග්‍රාහකයා (Official Overseas Team Sponsor of Sri Lanka Cricket) බවට පත්වී සිටියි.
මුළුමනින්ම දේශීය සන්නාමයක් වන එම සමාගම මීට පෙර ශ්‍රී ලංකා කණ්ඩායමේ දකුණු අප්‍රිකානු සංචාරය සහ මෙරටදී එංගලන්තය සමග පැවැත්වුණු තරගාවලිය සඳහාදඅනුග්‍රාහකත්වය ලබාදුන් අතර,දැන් පැවැත්වෙන බටහිර ඉන්දීය කොදෙව් සංචාරය සහ ලබන අප්‍රේල් මස පැවැත්වීමට නියමිත බංග්ලාදේශ ක්‍රිකට් කණ්ඩායමේ ශ්‍රී ලංකා තරගසංචාරය සඳහාද අනුග්‍රාහකත්වය ලබාදෙනු ඇත. කොදෙව් තරග සංචාරය යටතේ විස්සයි-20 තරග 3 ක්, එක්දින තරග 3 ක් සහ ටෙස්ට් තරග 2 ක් පැවැත්වෙනු ඇත.
JAT Holdings සමාගම යනු කවදත් ක්‍රිකට් ක්‍රීඩාවේ උන්නතිය වෙනුවෙන් කැපවුණු ආයතනයකි.මීට පෙර පැවැති LPL තරගාවලිය, 2017 වසරේදී සිදුකෙරුණු ශ්‍රී ලංකා කණ්ඩායමේ ඕස්ට්‍රේලියා සංචාරය, බංග්ලාදේශයේ පැවති BPL තරගාවලිය ඇතුළු තවත් බොහෝ තරගාවලි සඳහා JAT Holdings සමාගම අනුග්‍රාහකත්වය ලබාදී ඇත.
දැනට පවතින දුෂ්කරතා මධ්‍යයේ බොහෝ සමාගම් දැවැන්ත ව්‍යාපාරික තීරණ ගැනීමෙන් වැළකී සිටින පසුබිමක පවා JAT Holdings සමාගම මෙරට ජනප්‍රියම ක්‍රීඩාව වන ක්‍රිකට් ක්‍රීඩාව සඳහා අනුග්‍රාහක දායකත්වය ලබාදීමට ඉදිරිපත් වී සිටියි. එම සමාගම මෑතකදී “WHITE by JAT” නමින් ගොඩනැගිලි අභ්‍යන්තරයේ හා බාහිර ආලේප කළ හැකි බ්‍රිලියන්ට් වයිට් ඉමල්ෂන් තීන්ත පෙළක්ද වෙළඳපොළට හඳුන්වා දුන් අතර, සිය නවෝත්පාදන හැකියාව, ආයතනික ආත්ම විශ්වාසය, මූල්‍ය ස්ථාවරත්වය සහ අඛණ්ඩව ප්‍රජා සත්කාර ක්‍රියාවට නැංවීමේ උනන්දුව ආදියඔස්සේ සුපුරුදු පරිදි පෙරට යමින් සිටී.
මෙම අනුග්‍රාහකත්වය සම්බන්ධයෙන් ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා අදහස් දක්වමින් “දකුණු අප්‍රිකාවට සහ එංගලන්තයට එරෙහිවත් බටහිර ඉන්දිය කොදෙව් පිලට එරෙහිව දැන් පැවැත්වෙන තරගාවලියේදීත් සහ ඉදිරියේදී පැවැත්වීමට නියමිත බංග්ලාදේශ කණ්ඩායමේ ශ්‍රී ලංකා තරග සංචාරයසඳහා නිල අනුග්‍රාහකයා ලෙස කටයුතු කිරීමට, දේශීය හා පෞද්ගලික අංශයේ සමාගමක් වන JAT Holdings ඉදිරිපත් වීම අපට මහත් සතුටක්. ක්‍රිකට් වල කවදත් මූලිකත්වය ගනු ලබන්නේ හවුල්කාරීත්වයන්ටයි. මේ හවුල්කාරීත්වය තවතවත් වර්ධනය වෙමින්,JAT සමාගමට තම සන්නාමය ජාත්‍යන්තර තලයේ ඉහළටම රැගෙන යෑමට මෙමගින් අවස්ථාව ලැබෙනු ඇතැයි කියා මා සිතනවා” යැයි සඳහන් කර සිටියේය.
“ක්‍රීඩාව යනු සාමූහිකත්වයේ සංකේතයක්. කෙනෙකු පරිපූර්ණ පුද්ගලයෙකු බවට පත්කිරීමට මෙන්ම, ජාති ආගම් භේද වලින් තොරව සෑම දෙනාම එකමුතු කිරීමට ක්‍රීඩාවට හැකියාව තිබෙනවා.” ඈෂ්ලී ද සිල්වා මහතා වැඩිදුරටත් පැවසීය.
2020 – 2023කාලයසඳහාශ්‍රීලංකාක්‍රිකට්හිනිලවිදේශීයඅනුග්‍රාහකත්වයේභාරකරු වශයෙන් කටයුතු කරනු ලබන්නේ ITW consulting පුද්ගලික සමාගමේ වන අතර ඔවුන්ගේ මඟ පෙන්වීම මත JAT හා ශ්‍රී ලංකා ක්‍රිකට් අතර හවුල්කාරීත්වය ගොඩනැගී තිබේ.
එහිදී ITW Consulting (පුද්.) සමාගමේ කළමනාකාර අධ්‍යක්ෂ භෛරව් ශාන්ත් මහතා අදහස් දක්වමින්, “ගෝලීය මට්ටමින් පොදුවේ ක්‍රීඩාව සහ විශේෂයෙන් ක්‍රිකට් ක්‍රීඩාව සතු හැකියාවන් සම්බන්ධයෙන් අප සමාගම කවදත් විශ්වාසය තබා සිටිනවා. මේ හවුල්කාරීත්වය අපට විශේෂ වන්නේ හුදෙක් ක්‍රිකට් ක්‍රීඩාව සමග අපට ඇති සමීප සම්බන්ධය හෝ ශ්‍රී ලංකාවේ ක්‍රිකට් ක්‍රීඩාවේ අනාගත ගමන්මග සම්බන්ධයෙන් අප තුළ ඇති උද්යෝගය නිසා පමණක් නොවෙයි. ශ්‍රී ලංකාව තුළ වැඩිම විශ්වාසයක් දිනා සිටින පාර්ශ්වයන් දෙකක් රටේ ජනප්‍රියම ක්‍රීඩාව වෙනුවෙන් එකමුතු වන මේ මොහොත ඉතාමත් සුවිශේෂී මොහොතක්. මේ හවුල්කාරීත්වය ඔස්සේ ශ්‍රී ලංකාවේ ක්‍රිකට් ක්‍රීඩාවට නව යුගයක් වෙත පියනගන්නට දොරටු විවර කර දෙන්නට අප සූදානම්” යි යනුවෙන් සඳහන් කර සිටියේය.
JAT Holdings සමාගම මීට පෙරද බොහෝ අවස්ථා වලදී මෙරට තුළ සහ විදේශයන්හි පවත්වන ලද තරගාවලි සඳහා අනුග්‍රාහකත්වය ලබා දී තිබේ. එම සමාගම වරක් ශ්‍රී ලංකාව සහ ඕස්ට්‍රේලියාව අතර පැවැත්වුණු ටෙස්ට් තරගාවලියක ප්‍රධාන අනුග්‍රාහකයා ලෙස කටයුතු කළ අතර, එම සංචාරයේ එක්දින තරගාවලියේ සහ තවත් තරගාවලි කිහිපයක සම අනුග්‍රාහකයෙකු ලෙස කටයුතු කළේ ය.
ක්‍රීඩාව තුළින් ජනතාව එකමුතු කිරීමට උත්සාහ කරන වගකීම් සහගත සමාගමක් ලෙස JAT Holdings සමාගම2020/2021 ක්‍රිකට් සමයේ මැයි 31 වැනිදා දක්වා ශ්‍රී ලංකා ක්‍රිකට් කණ්ඩායමට අනුග්‍රහය දැක්වීමට ගත් මෙම තීරණය, ඉදිරියේදී තවත් මෙබඳු පියවර රැසකට මංපෙත් විවර කරනු නොඅනුමානය.
