(කොළඹ | ලංකාපුවත්) – අමෙරිකා ජනාධිපති ජෝ බයිඩ්න් ජනාධිපති අපේක්‍ෂකත්වයෙන් ඉල්ලා අස්වීම ගැන පළමු වරට ප්‍රසිද්ධ දේශනයක් සිදු කර තිබේ.
බදාදා රාත්‍රියේ ඕවල් කාර්යාලයේ සිට කළ කතාවක දී ජනාධිපති බයිඩ්න් කියා සිටියේ 2024 ජනාධිපති තරඟයෙන් ඉවත් වීමට තමා ගත් තීරණය නොවැම්බරයේ ට්‍රම්ප් ජයග්‍රහණයේ ප්‍රතිවිපාකවලින් රට ආරක්ෂා කර ගැනීම වෙනුවෙන් සිදු කළ එකක් බවයි.
ඒ අනුව විශේෂයෙන්ම ‘තමා නව පරපුරට යෂ්ඨිය භාර දුන් බව‘ ඔහු අවධාරණය කළ බව විදෙස් මාධ්‍ය වාර්තා කරයි.
“මම මෙම කාර්යාලයට ගරු කරනවා, නමුත් මම මගේ රටට වඩා ආදරෙයි,” බයිඩ්න් පැවසුවේ “ඔබේ ජනාධිපති ලෙස සේවය කිරීම මගේ ජීවිතයේ ගෞරවයක්, නමුත් පරදුවට තබා ඇති ප්‍රජාතන්ත්‍රවාදය ආරක්ෂා කිරීමේදී, සියල්ලටම වඩා වැදගත් දේවල් තිබෙනවා.” යනුවෙනි.
“ඇමරිකාව අපගමන ලක්ෂ්‍යයක සිටින බව මම විශ්වාස කරමි, එය ඉතිහාසයේ දුර්ලභ අවස්ථාවන්ගෙන් එකක් වන අතර, අප දැන් ගන්නා තීරණ ඉදිරි දශක කිහිපය තුළ අපගේ ජාතියේ සහ ලෝකයේ ඉරණම තීරණය කරයි,” යනුවෙන් ද බයිඩ්න් පැවසීය.
“ඉදිරියට ගත හැකි හොඳම මාර්ගය නව පරම්පරාවකට යෂ්ඨිය ලබා දීමයි. අපේ ජාතිය එක්සත් කිරීමට හොඳම මාර්ගය එයයි, ” යනුවෙන් බයිඩ්න් එහිදී වැඩිදුරටත් සදහන් කළේය.
කෙසේ නමුත් මෙම දේශනයේ දී ජෝ බයිඩ්න් ජනාධිපතිවරයා, ට්‍රම්ප්ගේ නම හෝ ඔහුගේ උප ජනාධිපති කමලා හැරිස් ගැන සදහන් කිරීමෙන් වැළකී සිටියේය.
