(කොළඹ, ලංකාපුවත්) – මෝරා චණ්ඩ මාරුතය ඉන්දියාව දෙසට ගමන්කර තිබේ.
ඊයේ උදෑසන බංග්ලාදේශයේ චිතගොං දිස්ත්‍රික්කයට පැමිණි සුළි කුණාටුව සවස් වනවිට ඉන්දියාවේ මිසෝරම් ප්‍රාන්තයට ළඟාවී ඇතැයි විදෙස් මාධ්‍ය වාර්තාවල දැක්වේ. ඒ සමඟ ඇසෑම්, මේගාලයා, අරුණාචල්, නාගලන්ඩ්, ත්‍රිපුර සහ මනිපූර් ප්‍රාන්තවලට දැඩි වර්ෂාපතනයක් ඇදහැලී ඇත.
සුළි කුණාටුව හේතුවෙන් මිසෝරම් ප්‍රාන්තයේ නිවාස 80වකට පමණ හානි සිදුව තිබේ.
මෙමගින් මියන්මාරයට ද බලපෑම් එල්ලවිය හැකි බවයි කාලගුණ අංශ වැඩිදුරටත් සදහන් කර ඇත.
