(කොළඹ, ලංකාපුවත්) – කළුතර, මිල්ලනිය ප්‍රදේශයේ කාර්මික වෙළෙඳ කලාපයක් ඉදිකිරීම සඳහා ශ්රී ලංකා ආයෝජන මණ්ඩලය සහ තායිලන්ත සමාගමක් අතර අවබෝධතා ගිවිසුමකට එළෙඹ ඇත.
ආයෝජන මණ්ඩලයේ සභාපති දුමින්ද්‍ර රත්නායක සහ තායිලන්ත රොජානා සමාගමේ සභාපති ඩිරෙක් විනිච්බුටර් යන මහත්වරුන් අද (21)පෙරවරුවේ එම අවබෝධතා ගිවිසුමට අත්සන් තැබීම සිදු කෙරුණි.
2018 වසරේ දෙසැම්බර් මාසයේ මෙම කාර්මික වෙළෙඳ කලාපයේ ඉදිකිරීම් ආරම්භ කිරීමට නියමිත අතර රැකියා දස දහසක් ඒ තුළින් නිර්මාණය වන බව ජාත්‍යන්තර වෙළෙඳ කටයුතු රාජ්‍ය අමාත්‍ය සුජීව සේනසිංහ මහතා සඳහන් කළේය.
උතුරු නැගෙනහිර තරුණ තරුණියන් සඳහා ද එමඟින් රැකියා ලබාදීමට අපේක්ෂිත බව රාජ්‍ය අමාත්‍යවරයා කියා සිටියේය.
පරිසර තක්සේරු වාර්තා සැලකිල්ලට ගනිමින් අක්කර 400ක භූමි ප්‍රමාණයක ඉදිකිරීම් සිදු කෙරෙන මෙම ව්‍යාපෘතිය සඳහා ජාත්‍යන්තර වෙළෙඳ කටයුතු අමාත්‍ය මලික් සමරවික්‍රම මහතාගේ උපදෙස් මත ආයෝජන මණ්ඩලය මඟින් පහසුකම් සපයන බව රාජ්‍ය අමාත්‍ය සුජිව සේනසිංහ මහතා පැවසීය.
