(කොළඹ, ලංකාපුවත්) – පවතින අධික වර්ෂා තත්ත්වය හේතුවෙන් ගංගා සහ ජලාශ ආශ්‍රිත ජනතාවට අවධානයෙන් සිටින ලෙස ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා පවසයි.
මේ අතර ප්‍රදේශ කිහිපයකට නායයාමේ අවදානම් ද ඇති විය හැකි බව ඒ මහතා කියා සිටියේය.
ජාතික ගොඩනැගිලි පර්යේෂණ සංවිධානය නායයාම් අනතුරු ඇගවිම් සිදු කර ඇති ප්‍රදේශවල ජනතාව විශේෂ අවදානය යොමු කළ යුතු බව කොඩිප්පිලි මහතා සදහන් කළේය.
රත්නපුර දිස්ත්‍රික්කයේ කුරුවිට, අයගම, කිරිඇල්ල සහ රත්නපුර යන ප්‍රාදේශිය ලේකම් කොට්ඨාසවලත් ගාල්ල දිස්ත්‍රික්කයේ නාගොඩ ප්‍රාදේශිය ලේකම් කොට්ඨාසයත් කළුතර දිස්ත්‍රික්කයේ පාලින්දනුවර, වළල්ලාවිට සහ අගලවත්ත ප්‍රාදේශිය ලේකම් කොට්ඨාසවලත් නායයාම් ඇති විය හැකි බවට ජාතික ගොඩනැගිලි පර්යේෂණ සංවිධානය අනතුරු අගවා ඇත.
මේ අතර මහවැසි හේතුවෙන් ඇහැළියගොඩ ප‍්‍රදේශයේ අවදානම් කලාපවල සිටින වැසියන් වහාම එම කලාපවලින් ඉවත් වී ආරක්‍ෂක ස්ථාන වෙත ගමන් කළයුතු බව ආපදා කළමණාකරණ මධ්‍යස්ථානය සදහන් කළේය
රත්නපුර දිස්ත්‍රික්කයේ ඇහැළියගොඩ ප්‍රදේශයට මිලිමීටර් 150ට වැඩි තද වැසි ලැබී ඇත.
