(කොළඹ, ලංකාපුවත්) –සුප්‍රකට ජේම්ස් බොන්ඩ් චරිතය රගපෑමෙන් ලොව පුරා සිනමා රසික සිත් දිනාගත් බ්‍රිතාන්‍ය නළු ශ්‍රීමත් ශෝන් කොනරි මිය ගොස් ඇත.
ඔහු මිය යන විට 90 වියේ පසුවූ බව විදෙස් මාධ්‍ය වාර්තා කරයි.
ස්කොට්ලන්තයේ උපත ලැබූ ශෝන් කොනරි වඩාත් ප්‍රසිද්ධියට පත්වූයේ ජේම්ස් බොන්ඩ් රහස් ඒජන්තවරයා ලෙසය. ඔහු බොන්ඩ් චිත්‍රපට 07කට රංගනයෙන් දායක වී තිබේ.
2000 වසරේ දී බ්‍රිතාන්‍යයේ දෙවැනි එළිසබත් මහරැජින ශෝන් කොනරිට ‘නයිට්’ පදවියක් ද පිරිනමන ලදි.
