(කොළඹ, ලංකාපුවත්) –70 වන නිදහස් දින සැමරුම් උළෙලේ ප්‍රධාන ආරාධිතයා වශයෙන් සහභාගී වන බ්‍රිතාන්‍යයේ එඩ්වඩ් කුමරු අද(31) දහවල් දිවයිනට පැමිණ තිබේ.
ඩුබායි සිට පැමිණි එමිරේට්ස් ගුවන් සේවයට අයත් ගුවන් යානයකින් අද දහවල් 12.30 ට පමණ ඔහු ඇතුළු දූත පිරිස පැමිණ අැත.
එඩ්වඩ් කුමරු සමඟ ඔහුගේ ආර්යාව ඇතුළු 07 දෙනෙකුගෙන් යුත් දූත පිරිසක් ද පැමිණ තිබේ.
දින 06 ක කාලයක් එඩ්වඩ් කුමරු ඇතුළු දූත පිරිස මෙරට රැඳී සිටීමට නියමිතය.
