(කොළඹ, ලංකාපුවත්) –මහර බන්ධනාගාරයේ සිද්ධිය සම්බන්ධයෙන් මේ වන විට ප්‍රකාශ 255ක් සටහන් කරගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.
ඊයේ දිනයේ ද ප්‍රකාශ 27ක් සටහන් කර ගැනිණ. මේ වන විට රැඳවියන්,බන්ධනාගාර නිලධාරීන්, වෛද්‍ය කාර්ය මණ්ඩලය ඇතුළු කණ්ඩායම් වෙතින් සිද්ධියට අදාළ ප්‍රකාශ සටහන් කරගෙන තිබේ.
මියගිය රැඳවියන්ගේ පශ්චාත් මරණ පරීක්ෂණ දෙකක් ඊයේ දිනයේ ද සිදුකෙරිණ. එම මරණ පරීක්ෂණ වාර්තා අධිකරණයට ඉදිරිපත් කිරීමට නියමිතය.
