(කොළඹ, ලංකාපුවත්) –ශ්‍රි ලංකාවේ එක්සත් ජාතීන්ගේ සංවර්ධන වැඩසටහනේ නේවාසික නියෝජිත රොබට් ජුහ්කාම් මහතා ඊයේ(08) විපක්ෂ නායක සජිත් ප්‍රේමදාස මහතා හමුවූ අතර එහිදී ගෝලීය මානව සංවර්ධන වාර්තාව (HDR 2020) සජිත් ප්‍රේමදාස මහතා වෙත නිල වශයෙන් භාර දුන්නේය.
මෙවර නිකුත් වූයේ 30 වන වාර්තාව වන අතර මානව වර්ගයා සහ සොබාදහම අතර සම්බන්ධතාවය අවධාරණය කරමින්, මානව ක්‍රියාකාරකම් පෘථිවියට ඇති කරන බලපෑම කෙරෙහි අවධානය යොමු කරමින් සැමට ඇතුළත් කළ හැකි සහ තිරසාර අනාගතයක් සඳහා වැඩ කරන අතරම ජනතාවගේ ජීවිත වැඩිදියුණු කිරීමේ වැදගත්කම අවධාරණය කරයි.
අන්තර්ජාතික සංවර්ධනය පිළිබඳ වසර 30 කට ආසන්න පළපුරුද්දක් ඇති ජුහ්කම් මහතා, විශේෂයෙන් ආසියාවේ සහ යුරෝපයේ, උපදේශන සහ උපායමාර්ගික හවුල්කාරිත්වයන් සඳහා ප්‍රතිපත්ති හා වැඩසටහන් සකස් කිරීමට උපකාරී වේ.
