(කොළඹ | ලංකාපුවත්) – ශ්‍රී ලංකාවේ ඩිජිටල්කරණය නිසි ආකාරයින් නොවීමට මූලිකම හේතුව වී ඇත්තේ ඩිජිටල්කරණය පිළිබඳව නීති සම්පාදනය කරන්නන් සහ බිම් මට්ටම අතර තිබුණු දුරස්ථභාවය මෙන්ම ඩිජිටල්කරණය සඳහා දිගුකාලීන සැලැස්මක් නොමැති වීමය.
එයට විසඳුමක් ලෙස Digital Strategy 2030 හෙවත් ‘ඩිජිටල් ආර්ථික ක්‍රමෝපාය 2030’ වත්මන් ජනාධිපති රනිල් වික්‍රමසිංහ මහතා පත්වීමෙන් පසුව තාක්ෂණ රාජ්‍ය අමාත්‍ය කනක හේරත් මහතාගේ මූලිකත්වයෙන් තාක්ෂණ අමාත්‍යංශය මඟින් සිදු කෙරිණි.
ඩිජිටල් ආර්ථික ක්‍රමෝපාය 2030 මූලික අංශයක් වනුයේ ශ්‍රී ලංකාව පුරා සිටින කුඩා හා මධ්‍යම ප්‍රමාණයේ ව්‍යවවසායකයින් සවිබල ගැන්වීමයි.
ඒ අනුව යමින් (SME) කුඩා හා මධ්‍යම ප්‍රමාණයේ ව්‍යවසායකයින් මිලියනයකට අධික සංඛ්‍යාවක් සවිබල ගැන්වීමේ දීපව්‍යාප්ත වැඩසටහනේ මූලික අදියර ජූනි 22 වැනිදා ආරම්භ කර මේ වනතෙක් අති සාර්ථකව සිදු කරගෙන යමින් තිබේ.
මෙහිදී තරුණ සේවා සභාවේ තරුණ කණ්ඩායම් මඟින්, කෑගලු නගරයේ සියලු නගර ආවරණය කරමින් කඩපිලට, පොලට, සාප්පුවටම පැමිණ ඩිජිටල් යුගයේ දියුණු වීමට අවශ්‍ය ඩිජිටල් මෙවලම් වන,
ගෙවීම් සඳහා QR කේතය භාවිතය
ව්‍යාපාර සඳහා e-commerce හෙවත් විද්‍යුත් වාණිජ භාවිතය
ව්‍යාපාර සඳහා සමාජ ජාලා භාවිතය ඇතුලු
දැනුම බෙදාදීමේ ව්‍යාපෘතියක් දැනටමත් ආරම්භ කර ඇත.
කෑගල්ල දිස්ත්‍රික්කය මූලික කරගනිමින් සිදුකරන ලද වැඩසටහනේ සමාප්ති උළෙල ජනාධිපති රනිල් වික්‍රමසිංහ මහතා සහභාගිත්වයෙන් හෙට(26) කෑගල්ල ඉපැරණිගමපරිශ්‍රයේ දී සිදු කිරීමට නියමිය.
