(කොළඹ, ලංකාපුවත්) –අත්‍යාවශ්‍ය නඩත්තු කටයුත්තක් හේතුවෙන් ගම්පහ හා කැලණිය ප්‍රදේශ කිහිපයකට හෙට දින පැය 12ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි.
ඒ අනුව අද(01) රාත්‍රී 7.00 සිට හෙට(02) උදෑසන 7.00 දක්වා ජල සැපයුම අත්හිටුවන බව එම මණ්ඩලය සදහන් කරයි.
කැලණිය, වත්තල, බියගම, මහර, දොම්පේ හා ජා – ඇල, යන ප්‍රදේශීය සභා බල ප්‍රදේශ වලට මෙන්ම ගම්පහ ප්‍රදේශීය සභා බල ප්‍රදේශයේ කොටසකට ද ජල සැපයුම අත්හිටුවනු ඇත.
එමෙන්ම පෑලියගොඩ, වත්තල, ජා – ඇල, කටුනායක හා සීදූව යන නගර සභා බල ප්‍රදේශවල ද ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පැවසීය.
