(කොළඹ, ලංකාපුවත්) –ඉන්දියාව ශ්‍රී ලංකාවේ ඕනෑම අගමැතිවරයෙක් සමඟ වැඩ කිරීමට සූදානමින් සිටින බව ඉන්දීය විදේශ කටයුතු අමාත්‍යාංශ ආරංචි මාර්ග වාර්තා කරයි.
දැනට ශ්‍රී ලංකාවේ පවතින දේශපාලන තත්ත්වය පිළිබඳව ඉන්දියාව සමීපව හා විමසිලිමත්ව සිටිනවා. අපේ අසල්වාසීකම සහ ප්‍රජාතාන්ත්‍රික සබඳතා නිසා අප බලාපොරොත්තු වෙනවා ප්‍රජාතාන්ත්‍රික වටිනාකම් සහ ව්‍යවස්ථාපිත ක්‍රමවේදයකට කටයුතු කරයි කියා. අප ශ්‍රී ලංකාවට ලබාදෙන සංවර්ධන සහයෝගීතාවය තවදුරටත් නොකඩවා ලබාදෙනවා යැයි ඉන්දීය විදේශ ලේකම් විජය ගෝඛාලේ මාධ්‍යවේදීන් හමුවේ එසේ තවදුරටත් ප්‍රකාශ කෙළේය.
ඉන්දියාව කවුරුත් ප්‍රමුඛත්වයෙන් සලකන්නේ නෑ. ශ්‍රී ලංකාවේ ජනතාව තීරණය කරයි අගමැති විය යුත්තේ හිටපු ජනපති මහින්ද රාජපක්ෂ ද, හිටපු අගමැති රනිල් වික්‍රමසිංහ ද කියා.
එසේම අපි ශ්‍රී ලංකාවේ අභ්‍යන්තර කටයුතුවලට ඇඟිලි ගහනවා යැයි ඇතැම් මාධ්‍ය කරන චෝදනාව ප්‍රතික්ෂේප කරනවා.
ආචාර්ය සුබ්‍රමනියම් ස්වාමි මහතා මෙසේද පැවසීය.
ඉන්දියාව සහ ශ්‍රී ලංකාව සුහදත්වය සඳහා නිරන්තරයෙන් කටයුතු කරනවා. ජනාධිපති මෛත්‍රීපාල සිරිසේන, අගමැති මහින්ද රාජපක්ෂ, අගමැති නරේන්ද්‍ර මෝදි ජනතා නායකයින්. ඒ නිසා මොවුන් ජනතාවගේ හදගැස්ම හඳුනාගත් නායකයන් බව පවසන්න කැමැතියි.
(උපුටා ගැනීම – දිනමිණ පුවත්පත)
