ශ්‍රී ලංකාවේ ආර්ථික ප්‍රතිසංස්කරණ වැඩපිළිවෙල සම්බන්ධයෙන් ජාත්‍යන්තර මූල්‍ය අරමුදලේ කළමනාකරණ අධ්‍යක්ෂිකා, ක්‍රිස්ටලිනා ජෝර්ජියේවා මහත්මිය ප්‍රශංසා කර තිබේ.
මේ බව ඇය සඳහන් කර ඇත්තේ ඊයේ (26) දින නිවේදනයක් නිකුත් කරමිනි.
මෙම වැඩසටහනට අදාල තෙවැනි සමාලෝචනය අවසන් කරමින් ශ්‍රී ලංකා බලධාරීන් හා IMF සංවිධානය විසින් පසුගිය 23 වැනිදා කාර්ය මණ්ඩල එකඟතාවයකට පැමිණි බවත්, මෙය, මාස කිහිපයක් පුරා පැවති සාකච්ඡා වලින් අනතුරුව සැලකිය යුතු ඉදිරි පියවරක් සලකුණු කරන බවත් ඇය පවසයි.
“සිය ප්‍රතිසංස්කරණ න්‍යාය පත්‍රය සම්බන්ධයෙන් අඛණ්ඩව කටයුතු කිරීමටත් ආර්ථිකය තිරසාර හා ඉහළ වර්ධන මාවතකට යොමු කිරීමටත් ශ්‍රී ලංකා බලධාරීන් යළිත් සිය අධිෂ්ඨානය පළ කර ඇතැයි එම ප්‍රකාශයේ දැක්වේ.
