(කොළඹ, ලංකාපුවත්) – වියළි කාලගුණයත් සමඟ ශරීරය විජලනයවීම වළක්වා ගැනීමට පියවර අනුගමන කරන්නැයි සෞඛ්‍ය අංශ ජනතාවගෙන් ඉල්ලීමක් කරනු ලැබේ.
ළමා රෝග විශේෂඥ වෛද්‍ය දීපාල් පෙරේරා සඳහන් කළේ මේ දිනවල ශ්‍රී ලංකාවට සූර්යා මුදුන්වීමත් සමඟ පවතින උෂ්ණාධික කාලගුණය හේතුවෙන් ශරීරය විජලනය වීමේ තත්ත්වයන් ඇති විය හැකි බවයි.
වයස්ගත පුද්ගලයින් සහ කුඩා දරුවන් ඊට වැඩි වශයෙන් භාජනය වන බැවින් ඔවුන් පිළිබදව අවධානය යොමු කළ යුතුවේ.
මේ අතර, කාලගුණ විද්‍යා දෙපාර්තමේන්තුව සඳහන් කළේ එළඹෙන 15 වන දා වන තුරු සූර්යයා ශ්‍රී ලංකාවට ඍජුවම මුදුන් වන බවයි.
විශේෂයෙන්ම මේ දිනවල උෂ්ණත්වය ඇතැම් ප්‍රදේශවලට සෙල්සියස් අංශක 35 දක්වා ඉහළ යා හැකි බවයි එම දෙපාර්තමේන්තුව පැවසීය.
