(කොළඹ, ලංකාපුවත්) – දූෂණ චෝදනාවලට වරදකරු වීම හේතුවෙන් බ්‍රසීලයේ හිටපු ජනපති ලූලා ද සිල්වාට එරට අධිකරණය සිර දඩුවම් නියම කර ඇත.
එම සිර දඩුවම වසර 9 1/2ක කාලයකට නියම වී තිබේ.
බ්‍රසීල රජයට අයත් පෙට්‍රෝ බ්‍රාස් සමාගම සම්බන්ධ ගනුදෙණුවක දී ඊට අල්ලස් වශයෙන් මහල් නිවාස සංකීර්ණයක් ලැබුණු බවට ඔහුට චෝදනා එල්ල වී තිබුණි.
එහෙත් හිටපු ජනපතිවරයා එම චෝදනාව ප්‍රතික්‍ෂේප කර තිබෙන බව විදෙස් මාධ්‍ය වාර්තාවල දැක්වේ.
මෙම නඩුව දේශපාලන පළි ගැනීමේ අරමුණින් ගොනු කළ එකක් බව ඔහු ප්‍රකාශ ඇත.
හිටපු ජනාධිපතිවරයාට එල්ල වී ඇති චෝදනා පහෙන් ප්‍රථමයෙන් විභාගයට ගත් නඩුව මෙය බව සදහන් වේ.
