(කොළඹ, ලංකාපුවත්) –ශ්‍රී ලංකාවට අවශ්‍ය නව ව්‍යවස්ථාවක් සකස් කිරීම වෙනුවෙන් 09 දෙනෙකුගෙන් යුත් විද්වත් කමිටුවක් පත්කිරීමට කැබිනට් අනුමැතිය ලැබී තිබෙන බව සම කැබිනට් ප්‍රකාශක අමාත්‍ය උදය ගම්මන්පිල මහතා පැවසීය.
ඒ අනුව ජනාධිපති නීතිඥ රොමේෂ් ද සිල්වා මහතාගේ ප්‍රධානත්වයෙන් යුත් කමිටුවක් මෙසේ පත්කර ඇත.
මෙම කමිටුවට අවශ්‍ය අරමුදල් වෙන් කළ බවත් ඒ අනුව නව ව්‍යවස්ථාවක් සම්පාදනය කිරීම ආරම්භ කිරීමට හැකි බවත් අමාත්‍යවරයා පැවසීය.
නව ව්‍යවස්ථාවක් සකස් කිරීමට කල් ගතවීම හේතුවෙන් කෙටිකාලීනව 20 වැනි ව්‍යවස්ථා සංශෝධනය ගෙන ආ බවත් අමාත්‍යවරයා වැඩිදුරටත් සඳහන් කළේය.
