(කොළඹ, ලංකාපුවත්) –සංවිධානාත්මක අපරාධකරුවෙකු වන මාකඳුරේ මධුෂ්ගේ සමීපතමයෙකු වන රණවකගේ ධම්මික නුවන් රණවක හෙවත් වැලිහිඳ කලූ, වැලිගම – දෙණිපිටිය ප්‍රදේශයේදී පොලිස් විශේෂ කාර්ය බලකාය විසින් අත්අඩංගුවට ගෙන ඇත.
ඊයේ (10) එම ප්‍රදේශයේ සිදුකළ වැටලීමකදි මෙම සැකකරු හෙරොයින් ග්‍රෑම් 2 මිලිග්‍රෑම් 960 ක් සමඟ අත්අඩංගුවට ගෙන තිබේ.
35 හැවිරිදි සැකකරු දෙණිපිටිය – ඌරුවිටිය ප්‍රදේශයේ පදිංචිකරුවෙකි.
සැකකරු, මාකදුරේ මධුෂ් සමඟ ඩුබායි හිදී මත්ද්‍රව්‍ය ළඟ තබාගැනීමේ චෝදනාවට එරට ආරක්ෂක අංශ මගින් අත්අඩංගුවට ගෙන මෙරටට පිටුවහල් කළ අයෙකු බව පොලිස් විශේෂ කාර්ය බලකාය සඳහන් කළේය.
