(ලංකාපුවත් | කොළඹ) – සංචාරකයන් වැඩිවශයෙන් පැමිණෙන සංචාරක ආකර්ෂණිය ස්ථාන වල පහසුකම් නංවාලීම සදහා අන්තර් අමාත්‍යාංශ ඒකාබද්ධ වැඩපිළිවෙලක් සැකසෙයි. ඒ සදහා වගකියන සියලුම අමාත්‍යාංශ, දෙපාර්තමේන්තු, සංස්ථා සහ ව්‍යවස්ථාපිත මණ්ඩල සහභාගිත්වයෙන් එය ක්‍රියාත්මක කරන බව සංචාරක ඇමති ප්‍රසන්න රණතුංග මහතා පවසයි.
දිවයින පුරා පිහිටි සංචාරක කළාප වල මෙන්ම හදුනාගත් සංචාරක ආකර්ෂණිය ස්ථානවල පවතින ගැටළු විසදීම වැඩපිළිවෙලේ අරමුණ බව ද ඔහු පෙන්වා දෙයි.
මේ වන විට දිවයින පුරා සංචාරක කළාප 16 ක් ගැසට් මගින් ප්‍රකාශයට පත් කර තිබේ. නිලාවේලි හා ඒ අවට, මාදු ගග හා ඒ අවට, ආරුගම්බේ හා ඒ අවට, ත්‍රිකුණාමලය හා එ් අවට, කල්කුඩා හා ඒ අවට, පින්නවල, දෙද්දුව, බෙන්තොට, කුච්චවේලි, කල්පිටිය, උණවටුන, මිගමුව, බේරුවල, ගල්කිස්ස, යාල හා ඇල්ල එම සංචාරක කලාපීය නුවරඑළිය, හික්කඩුව හා දෙණියාය ඉදිරියේ දි ප්‍රකාශයට පත් කිරිමට නියමිත නව සංචාරක කලාප බව ද ඇමතිවරයා කියයි. ඊට අමතරව ප්‍රධාන නගර ආශ්‍රිතව සංචාරක පහසුකම් මධ්‍යස්ථාන ඉිදි කිරිමටත්, දියඇලි ආශ්‍රිතව සංචාරක පහසුකම් සංවර්ධනය කිරිමටත්, අනෙකුත් සංචාරක ආකර්ෂණිය ස්ථාන වල සංචාරක පහසුකම් සංවර්ධනය කිරිමටත් රජය කටයුතු කරමින් සිටි.
මෙම කටයුතු සම්බන්ධිකරණය සදහා පත් කරන ඉහළපෙළේ අමාත්‍යාංශ, දෙපර්තමේන්තු, සංස්ථා හා ව්‍යවස්ථාපිත මණ්ඩල නිළධාරින්ගෙන් සමන්විත කමිටුව රැස් වි මෙම ප්‍ර දේශ වල යටිතල පහසුකම් සහ සංචාරකයන් සදහා වන පහසුකම් නංවාලිම සදහා අවශ්‍ය පියවර ගැනීමට අපේක්ෂා කරයි. ඊට අමතරව දිස්ත්‍රික් මට්ටමින් ද සියලුම දිස්ත්‍රික් හා ප්‍රා දේශීය නිළධාරින්ගේ සහභාගීත්වයෙන් විශේෂ රැස්වීමක් සංවිධානය කොට එම කටයුතු සම්බන්ධිකරණය කිරිමට ද සැලසුම් කර ඇතැයි ඇමතිවරයා සදහන් කරයි.
මේ අතර පසුගිය දින 26 (දෙසැම්බර් 01 වෙනිදා සිට දෙසැම්බර් 26 දක්වා) තුළ සංචාරකයන් 69,941 දෙනෙකු මෙරටට පැමිණ ඇතැයි ඇමති ප්‍රසන්න රණතුංග මහතා පවසයි. මේ වන විට මෙරටට පැමිණ ඇති සංචාරකයන් සංඛ්‍යාව 174,930 කි. පසුගිය ඔක්තෝම්බර්,නෙැවැම්බර් මාස වල මෙරටට පැමිණ ඇති සංචාරකයන් සංඛ්‍යාව පිළිවෙලින් 22,771 ක් සහ 44,294 ක් වේ. ඇමති ප්‍රසන්න රණතුංග මහතා පවසන්නේ පසුගිය දින 26 තුළ ඉන්දියාව, රුසියාව, එක්සත් රාජධානිය, ජර්මනිය, ඕස්ට්‍රෙිලියාව, ඇමෙරිකාව, ප්‍රංශය, මාලදිවයින, යුක්රේනය හා කසකස්ථානය යන රටවලින් වැඩි වශයෙන් සංචාරකයන් පැමිණ ඇති බවයි.
සීත සෘතුව ඉලක්ක කරගනිමින් සංචාරක ප්‍රවර්ධන කාර්යාංශය රුසියාව, එක්සත් රාජධානිය, ජර්මනිය, ප්‍රංශය සහ යුක්රේනය ආශ්‍රිතව සංචාරක ප්‍රවර්ධන වැඩසටහන් සංවිධානය කළ අතර පසුගිය දින 26 තූළ මෙරටට පැමිණි සංචාරකයන්ගෙන් වැඩි පිරිසක් මෙම රටවලින් පැමිණි තිබිම විශේෂත්වයක් බව ද ඇමතිවරයා පෙන්වා දෙයි. ඒ අනුව රැසියානු සමුහාණ්ඩුවෙන් සංචාරකයන් 7,951 දෙනෙක් පැමිණ තිබේ. එක්සත් රාජධානියෙන් පැමිණ ඇති සංඛ්‍යාව 6,819 කි. ජර්මනියෙන් සංචාරකයන් 4,131 ක් මෙරටට පැමිණ තිබේ. ප්‍රංශයෙන් සංචාරකයන් 2,313 ක් පසුගිය දින 26 තුළ මෙරටට පැමිණ ඇති අතර යුක්රේනයෙන් සංචාරකයන් 2,054 දෙනෙුක පැමිණ ඇතැයි ඇමතිවරයා සදහන් කරයි. රුසියාවේ AIROFLOT, ප්‍රංශයේ AIR FRANCE, කසකස්ථානයේ AIR ASTANAවැනි ගුවන් සමාගම් මෙරට සමග සෘජු ගුවන් සේවා ආරම්භ කිරිමට ද රජය විසින් ක්‍රියාත්මක කළ සංචාරක ප්‍රවර්ධන වැඩසටහන් හේතු වු බව ද ඇමතිවරයා පෙන්වා දෙයි.
