(කොළඹ | ලංකාපුවත්) – ලොව පුරා මිලියන ගණනක රසික ප්‍රජාවගේ ජනාදරයට පත් Vlog නිර්මාණකරුවෙකු වන නාස් ඩේලි (Nas Daily) ශ්‍රී ලංකාවේ සුන්දරත්වය විදහාපාන වීඩියෝ පටයක් සමාජ මාධ්‍යට නිකුත් කර තිබේ.
නාස් ඩේලි මීට පෙර සිදුකළ වීඩියෝ දහසක එකතුවක් හේතුවෙන් ලොව පුරා ජනප්‍රියත්වයට පත්විය.
ඒ තුළ This is Made of Poop, My Biggest Money Mistake, The Key Board Warrior යනුවෙන් නම් කරන ලද ශ්‍රී ලංකාව පිළිබඳ වීඩියෝ පට තුනක් අන්තර්ගත කර තිබුණි.
එමෙන්ම, 2020 වසරේදී Nas Daily, කොවිඩ් වසංගත සමය තුළ වඩාත්ම නිර්ලෝභීව කටයුතු කළ රට වශයෙන් (The Most Generous Country During Covid) ශ්‍රී ලංකාව නම් කරමින් නිකුත් කළ වීඩියෝ පටයද බොහෝ දෙනාගේ ආදරය දිනා ගැනීමට සමත් විය.
ශ්‍රී ලංකාවේ සංචාරක ප්‍රවර්ධන කාර්යාංශය සමඟ අවබෝධතා ගිවිසුමක් අත්සන් කළ ජනප්‍රිය ජාත්‍යන්තර Vlogger ‘Nas Daily’ ශ්‍රී ලංකා සංචාරක ප්‍රවර්ධනය සඳහා ඔහුගේ පළමු වීඩියෝව මෙලස සමාජ මාධ්‍යවලට නිකුත් කර ඇත.
ඔහු එම වීඩියෝව සමාජ මාධ්‍ය වෙත නිකුත් කරමින් සඳහන් කර ඇත්තේ ”ලස්සන සංස්කෘතියක් ඒ වගේම ලස්සන මිනිස්සු සිටින ලෝකයේ මගේ ප්‍රියතම රටවලින් එකක් ” ශ්‍රී ලංකාව බවත්ය.
ශ්‍රී ලංකා සංචාරක ව්‍යාපාරය ප්‍රවර්ධනය කරමින් ‘Nas Daily’ විශේෂ වීඩියෝ තුනක් නිෂ්පාදනය කරන බව සංචාරක අමාත්‍ය හරීන් ප්‍රනාන්දු මහතා පැවසීය.
ඔහු ඊයේ (18) නිකුත් කල වීඩියෝව පහතින්,
