(කොළඹ | ලංකාපුවත්) – එම්මානුවෙල් මැක්‍රොන් නව රජයක් සමඟින් සිය ජනාධිපති ධුරය යළි පණ ගැන්වීමේ අරමුණින් ප්‍රංශයේ මීළඟ අග්‍රාමාත්‍යවරයා ලෙස ගේබ්‍රියෙල් අතාල් නම් කර තිබේ.
34 හැවිරිදි ඔහු නූතන ප්‍රංශ ඉතිහාසයේ ලාබාලතම අග්‍රාමාත්‍යවරයා ය.
1984 දී ප්‍රංශුවා මිටිරන් විසින් සමාජවාදී ලෝහා ෆැබියුස් පත් කරන විට ඔහු 37 හැවිරිදි වියේ පසුවූ අතර ඒ අනුව ඔහුවද අභිබවා යමින් අතාල් එරට ඉතිහාසයේ ලාබලතම අග්‍රාමාත්‍යවරයා බවට පත්විය.
ධූරයෙන් ඉල්ලා අස් වූ එලිසබෙත් බෝර්න් වෙනුවට අතාල් පත් කර තිබේ.
ඇය විසින් මාස 20ක පමණ කාලයක් අගමැති ධුරය දරනු ලැබුවාය.
ඒම කාලය පුරාවටම ඇය පාර්ලිමේන්තුවේ බහුතරය නොමැති වීම හේතුවෙන් අරගලයක නිරත වූවාය.
දැනට අධ්‍යාපන අමාත්‍යවරයා ලෙස කටයුතු කරන ගේබ්‍රියෙල් අතාල් නිසැකව ම ආකර්ෂණීය පත් කිරීමක් වනු ඇත.
ජූනි මාසයේ පැවැත්වෙන වැදගත් යුරෝපීය පාර්ලිමේන්තු මැතිවරණයට ප්‍රංශ රජය මෙහෙයවීමේ කාර්යය ඔහුට දැන් පැවරෙනු ඇත.
