(කොළඹ, ලංකාපුවත්) – පාකිස්තානය ප්‍රගතිශීලී, ප්‍රජාතන්ත්‍රවාදී සහ සමෘද්ධිමත් රටක් බවට පත් කිරීමේ සන්දර්භය තුළ පාකිස්තාන ඉස්ලාමීය ජනරජයේ මහ කොමසාරිස් කාර්යාලය සහ ශ්‍රී ලංකාවේ වෙසෙන පාකිස්තාන ප්‍රජාව විසින් අද(23) පාකිස්තාන ජාතික දිනය සමරනු ලැබීය.
පාකිස්තානයේ නිර්මාතෘ ක්වායිඩ් ඊ අසාම් මොහොමඩ් අලි ජින්නා මහතාගේ අසමසම නායකත්වය යටතේ අපගේ නායකයින්ගේ එක්සත් අරගලය සැමරීම සඳහා සෑම වසරකම මාර්තු 23 වනදින පාකිස්තානයේ ජාතික දිනය සමරනු ලැබේ.
පාකිස්තානු ජාතීන් මෙම දිනය සනිටුහන් කරන්නේ ධෛර්යයෙන් සහ අධිෂ්ඨානයෙන් සියලු අභියෝගවලට එරෙහිව ස්ථිරව, ශක්තිමත්ව සහ එක්සත්ව නැගී සිටීමේ ජාතික අධිෂ්ඨානය පුනර්ජීවනය කිරීමේ සහ නැවත අවදි කිරීමේ දිනය ලෙසය.
පාකිස්තාන මහ කොමසාරිස් මේජර් ජෙනරාල් (විශ්‍රාමික) ඕමාර් ෆාරූක් බර්කි මහතා පාකිස්තාන ධජය ඔසවා මෙම උත්සවය ආරම්භ කළේය.
මෙම උත්සවයේ අදහස් දක්වමින් මහ කොමසාරිස්වරයා, ඉස්ලාමීය සහයෝගිතා සංවිධානය (OIC) සමඟ පාකිස්තානයේ උත්සාහයන් පෙන්වා දුන් අතර පාකිස්තායේ උත්සාහයෙන් එක්සත් ජාතීන්ගේ මහා මණ්ඩලය මාර්තු 15 “ඉස්ලාමීය වෛරයට එරෙහිව සටන් කිරීමේ ජාත්‍යන්තර දිනය” ලෙස ප්‍රකාශයට පත් කිරීම විශේෂයෙන් විස්තර කළේය.
“ඒකීයභාවය, යුක්තිය සහ සංවර්ධනය සඳහා හවුල්කාරිත්වයන් නිර්මාණය කිරීම” යන තේමාව යටතේ 2022 මාර්තු 22-23 දිනවල ඉස්ලාමීය සහයෝගීතා සංවිධානයේ විදේශ අමාත්‍යවරුන්ගේ 48 වැනි සමුළුව පාකිස්තානය විසින් පවත්වනු ලැබීම විශේෂත්වයකි.
පාකිස්තාන ජනාධිපති සහ අගමැතිගේ විශේෂ පණිවිඩ වෙළඳ හා ආයෝජන නිලධාරි සහ මාධ්‍ය සම්බන්ධීකාරක විසින් කියවන ලදී.
මුස්ලිම් ජනතාවට වෙනම නිජබිමක් සඳහා වූ ඉල්ලීම දේශපාලනික වශයෙන් නිවැරදි බව ඔප්පු වී ඇති බව ජනාධිපතිතුමාගේ පණිවිඩයෙන් අවධාරණය කර ඇත.
ජම්මු හා කාශ්මීරය නීතිවිරෝධී ලෙස ඉන්දියාවට ආක්‍රමණය කිරීම, කාශ්මීර වැසියන්ගේ ස්වයං නිර්ණ අයිතිය ප්‍රතික්ෂේප කිරීම, මානව හිමිකම් කඩකිරීම්, බලහත්කාරයෙන් අතුරුදන් කිරීම්, සුළු ජාතීන්ට හිරිහැර කිරීම, සන්නිවේදන අවහිර කිරීම් සහ නීති විරෝධී ඝාතන ඊට ප්‍රමාණවත් හේතු ලෙස දක්වා ඇත.
පාකිස්තාන අග්‍රාමාත්‍යවරයාගේ පණිවිඩයෙන් පාකිස්තාන ජාතිය මුහුණ දෙන අභියෝග පෙන්වා දී ඇත. පාකිස්තාන රජය දිළිඳුකම පිටුදැකීම සහ යුක්තිය ප්‍රවර්ධනය කිරීම සඳහා දිගුකාලීන ප්‍රතිසංස්කරණ සහ මුලපිරීම් ගෙන ඇත. සමාජයේ ආන්තික කොටස් වෙත සහ ඔවුන්ට සමාන අවස්ථා ලබාදීම කෙරෙහි රජයේ අවධානය යොමුව පවතී.
“Kamyab Pakistan” වැඩසටහන තරුණයින්, ගොවීන්, කුඩා පරිමාණ ව්‍යාපාර සහ අඩු වියදම් නිවාස අංශය සඳහා විශාල ආර්ථික ප්‍රතිලාභ ලබා දෙයි. “අපගේ ප්‍රාථමික මුලපිරීම වන Qaumi Sehat Card, අපේ රටේ ඉතිහාසයේ මින් පෙර කිසිදා නොදුටු ආකාරයෙන් සියලුම පුරවැසියන්ට ගෝලීය සෞඛ්‍ය රක්ෂණයක් ලබා දෙනු ඇත” යයි අගමැතිවරයාගේ පණිවිඩයේ සඳහන් කර ඇත.
මෙම උත්සවයට ශ්‍රී ලංකාවේ වෙසෙන පාකිස්තාන ප්‍රජාව, විවිධ පාර්ශවයන් සහ මාධ්‍ය නියෝජිතයින් සහභාගී විය.
